Tramp äkımşılıgı Reseige salynǧan sanksiialyq qysymdy ışınara jeŋıldetu josparyn äzırlemek. Būl turaly Reuters agenttıgı jazdy, dep habarlaidy “Adyrna” ūlttyq portaly.
Agenttıktıŋ habarlauynşa, būl tapsyrma AQŞ memlekettık departamentı men qarjy ministrlıgıne prezident Donald Tramp äkımşılıgınen tüsken. Būl vedomstvolarǧa qandai şekteu şaralaryn azaityp nemese tolyqtai alynyp tastaluy mümkın ekendıgı turaly tızım jasau tapsyrylǧan.
Daiyndalǧan tızım aldaǧy kelıssözder barysynda AQŞ ökılderı men reseilık şeneunıkter arasynda talqylanbaq. Aq üi būl qadamdy Tramptyŋ Mäskeumen qarym-qatynasty jaqsartuǧa jäne Ukrainadaǧy äskeri qaqtyǧysty toqtatuǧa ūmtyluymen bailanysty dep tüsındırdı.
Aqparatqa säikes, qūjat jobasynda bırqatar reseilık zaŋdy jäne jeke tūlǧalarǧa, sonyŋ ışınde ırı käsıpkerlerge salynǧan sanksiialardy alyp tastau mümkındıgı qarastyrylǧan. Alaida tüpkılıktı şeşım älı naqty emes.
