Aq üi AQŞ-ta tūratyn jüzdegen myŋ ukraindyqty bosqyn märtebesınen aiyruy mümkın. Būl turaly resmi jäne üş aqparat közıne sılteme jasap Reuters jariialady, dep habarlaidy “Adyrna” ūlttyq portaly.
«AQŞ prezidentı Donald Tramptyŋ äkımşılıgı qaqtyǧystardan qaşqan şamamen 240 myŋ ukraindyqtyŋ uaqytşa qūqyqtyq märtebesın joiudy josparlap otyr», - dep jazady basylym.
Mūndai şeşım säuır aiynda qabyldanuy mümkın. Būl osy sanatqa jatatyn adamdardyŋ deportasiialanuyna äkeledı.
Ukrainalarǧa qatysty būl şara Tramptyŋ Djo Baiden kezınde ıske qosylǧan gumanitarlyq immigrasiialyq baǧdarlamalardy toqtatu strategiiasynyŋ bır bölıgı bolmaq.
“Būl şaranyŋ daiyndaluy Vladimir Zelenskiimen qoǧamdyq janjaldy bastamas būryn-aq bastalǧan”, dep mälımdeidı derekközder.
Aqparatqa säikes, jalpy, 1,8 millionnan astam bosqyn zaŋdy märtebesın joǧaltuy mümkın dep kütılude. Ukrainalyqtardan bölek, būl Kuba, Gaiti, Nikaragua jäne Venesueladan 530 000 migrantty, sondai-aq, tälıpter bilıkke kelgennen keiın elden qaşqan 70 000 auǧandyqty qamtidy. Būǧan qosa, 1 millionǧa juyq adam būǧan deiın AQŞ-qa zaŋdy türde köşu üşın CBP One qosymşasyn paidalanǧan, bıraq Tramp äkımşılıgı qaŋtar aiynyŋ soŋynda būl qosymşany jauyp tastaǧan. Taǧy myŋdaǧan adam otbasy müşelerın bırıktıru baǧdarlamalaryna qatysqan.
