Biyl Qazaqstannyŋ halyq jazuşysy, dramaturg Quandyq Şaŋǧytbaevtyŋ tuǧanyna 100 jyl tolyp otyr, dep habarlaidy «Adyrna» tılşısı.
Körnektı tūlǧa 1925 jyldyŋ 21 nauryzynda Aqtöbe oblysynyŋ Qarabūtaq audanynda düniege kelgen. Qazaq memlekettık universitetın (qazırgı QazŪU — red.) bıtırgen.
1944–1955 jyldary Aqtöbe pedagogikalyq institutynda kafedra meŋgeruşısı, oblystyq «Sosialistık jol», «Aktiubinskaia pravda» gazetterınde bölım meŋgeruşısı, 1955–1973 jyldary «Qazaq ädebietı» gazetınde, «Jūldyz» jurnalynda bas redaktordyŋ orynbasary, bas redaktor, «Qazaqfilm» kinostudiiasynda, Qazaq radiosynda bas redaktor qyzmetterın atqarǧan.
Alǧaşqy kıtaby «Ar» degen atpen 1945 jyly jaryq kördı. Keiın «Öleŋder», «Aqqu änı», «Stihi», «Arma, respublikam», «Lirika», «Jyr jahany», «Gültolqyn», «Sarşatamyz» «Jyl qūsy», «Mahabbat pen ǧadauat» lirikalyq kıtaptary oqyrmandarǧa ūsynyldy.
Quandyq Şaŋǧytbaev — köptegen än öleŋınıŋ avtory. A. S. Puşkinnıŋ «Evgenii Onegin» romanyn (1949, 1986), M.Iý.Lermontov, İ.V.Gete, R.Berns lirikalaryn, O.Haiamnyŋ rubaiattaryn, M.Gorkiidıŋ «Qyz ben ajal» poemasyn (1941) qazaq tılıne audardy. Ol audarmaşylyq qyzmetı üşın Halyqaralyq Puşkin syilyǧyna ie boldy.
