Elımızdıŋ syrtqy saudadaǧy basty serıktesterı belgılı boldy. Būl turaly Sauda jäne integrasiia ministrlıgı mälımdedı, dep habarlaidy “Adyrna” ūlttyq portaly.
Ministrlık mälımetınşe, ötken jyldyŋ qorytyndysy boiynşa Qytai, Resei jäne İtaliia elımızdıŋ ırı sauda serıktesterı boldy — däl osy üş memleketke eksporttyŋ da, importtyŋ da negızgı kölemı tiesılı.
2024 jyly Qazaqstan syrtqy ekonomikalyq qarym-qatynasy tūraqty ösuıp, dästürlı naryqtardaǧy pozisiiasyn nyǧaityp, mineraldy resurstardyŋ senımdı eksporttauşysy märtebesın saqtap qaldy.
Qazaqstannyŋ eksporttyq kırısı 2024 jyly 81 mlrd AQŞ dolllarynan asty. Būl somanyŋ jartysynan astamy, iaǧni 42,9 mlrd AQŞ dollary şikı mūnaiǧa tiesılı, būl bükıl qazaqstandyq eksporttyŋ 52,5%-yn qūraidy. Sonymen qatar, el syrtqy naryqqa uran (4,6 mlrd AQŞ dollary), mys jäne mys katodtaryn (4,1 mlrd AQŞ dollary), sondai-aq mys kenderı men konsentrattaryn 3,2 mlrd AQŞ dollary) belsendı türde jetkızdı. Ferroqorytpalarǧa, tabiǧi gazǧa, bidaiǧa jäne mūnai önımderıne tūraqty sūranys saqtalyp otyr.
2024 jyly tehnika, kölık jäne farmasevtika salasynda import belsendılıgımen erekşelendı. Eŋ ülken kölem jeŋıl avtomobilderge ($2,3 mlrd), ūşu apparattaryna ($1,8 mlrd), därılık preparattarǧa ($1,7 mlrd) jäne telekommunikasiialyq jabdyqqa tiesılı boldy. Qazaqstandyq naryq daiyn būiymdardy da, jiyntyqtauyştardy — şanaqtardy, qosalqy bölşekterdı, esepteu tehnikasyn da importtai otyryp, jahandyq öndırıstık tızbekke kıruın jalǧastyryp keledı.
“2025 jyldyŋ basy osy tendensiialardyŋ tūraqtylyǧyn rastady. Qaŋtar aiynda Qazaqstannyŋ eksporty $4,5 mlrd qūrady, onyŋ 60%-y taǧy da mūnaiǧa tiesılı. Jetkızu qūrylymynda mys, ferroqorytpalar, bidai, sondai-aq uran, tabiǧi gaz jäne künbaǧys maiy maŋyzdy pozisiialar bolyp qala berdı. Qaŋtar aiynda import 2,8 mlrd AQŞ dollarynan asty. Jetekşı sanattarǧa telefondar, avtomobil korpustary, därı-därmekter jäne jeŋıl avtomobilder jatady. Sondai-aq qūrylys tehnikasy men qozǧaltqyştardy jetkızudıŋ ösımı baiqalady. Şikızat eksporty men joǧary tehnologiialyq önım importy arasyndaǧy teŋgerımnıŋ saqtaluy Qazaqstannyŋ syrtqy ekonomikalyq baǧytynyŋ ornyqtylyǧyn rastaidy”, — delıngen ministrlık habarlamasynda.
Sondai-aq, 2025 jyly Qytaimen, Reseimen jäne Europalyq Odaq elderımen strategiialyq ärıptestıktı damytu, sondai-aq Ortalyq Aziia naryqtaryndaǧy pozisiialardy nyǧaitu basymdyq bolyp qala beredı.
