Qazaqstanǧa resmi saparmen Bolgariia Respublikasynyŋ prezidentı Rumen Radev keldı. Qazaqstan men Bolgariia Prezidentterı keŋeitılgen qūramda kelıssözder jürgızdı.
Kelıssöz barysynda ekıjaqty kün tärtıbındegı mäseleler keŋınen talqylandy. Memleket basşysy Rumen Radevtıŋ ökıldı delegasiiamen sapary ekıjaqty yntymaqtastyqty nyǧaitu üşın jaŋa perspektivalar aşatynyn atap öttı. Ol sondai-aq tauar ainalymynyŋ tūraqty ösuın jäne ony ūlǧaitu üşın bar äleuettı atap öttı.
Qasym-Jomart Kemelūly bolgariialyq kompaniialarmen jäne investorlarmen özara ıs-qimylǧa qoldau bıldırıp, būl qyzmettıŋ tabysty boluyn qamtamasyz etude sauda-ekonomikalyq yntymaqtastyq jönındegı ükımetaralyq komissiia şeşuşı röl atqaruǧa tiıs ekenın atap öttı. Sondai-aq, serıktestıktı odan ärı nyǧaituǧa jäne qazaq-bolgar qatynastaryn damytuǧa yqpal etetın jaŋa bastamalardy ıske asyruǧa özara müddelılık rastaldy.
Memleket Basşysy Qasym-Jomart Toqaev pen Bolgariia prezidentı Rumen Radevtıŋ kelıssözderı aiaqtalǧannan keiın qol qoiylǧan ekıjaqty qūjattarmen almasu räsımı öttı. Resmi delegasiialardyŋ müşelerı kelesı qūjattarmen almasty:
1. Qazaqstan Respublikasy Kölık ministrlıgı men Bolgariia Respublikasy Kölık jäne kommunikasiialar ministrlıgı arasyndaǧy Transkaspii halyqaralyq kölık dälızın damytu boiynşa özara tüsınıstık turaly memorandum;
2. Astana men Sofiia qalalary arasyndaǧy özara tüsınıstık turaly memorandum;
3. Şymkent jäne Plovdiv qalalary arasynda bauyrlastyq qarym-qatynas ornatu turaly memorandum;
4. Qazaqstan Respublikasy Prezidentınıŋ janyndaǧy Memlekettık basqaru akademiiasy men Bolgariia Respublikasynyŋ Syrtqy ıster ministrlıgı Diplomatiia instituty arasyndaǧy özara tüsınıstık turaly memorandum.
