Qazaqstandaǧy tanymal täuelsız media — «Orda» redaksiiasy öz basylymyna qarsy jüielı qysym men reiderlık şabuyl jasalyp jatqanyn habarlady. Basylymnyŋ aituynşa, soŋǧy alty ai ışınde jurnalister men bas redaktor Gülnar Bajkenova qudalauǧa ūşyrap, anonimdı qorqytular men aqparattyq şabuyldardyŋ nysanasyna ainalǧan, dep habarlaidy “Adyrna”.
Bajkenovanyŋ mälımetınşe, belgısız adamdar jurnalisterdıŋ tūrǧylyqty mekenjailaryna baryp, özderın polisiia qyzmetkerlerı retınde tanystyryp, körşılerden sūrau jürgızude. Olar fotorobottar körsetıp, jurnalist «ızdeude» dep aqparat taratyp jatyr. Sonymen qatar, qyzmetkerlerdıŋ jeke derekterı men telefon nömırlerı intimdık qyzmet ūsynatyn saittar men OLX syndy platformalarda jalǧan jarnamalarmen jariialanuda.
«Jalǧan äleumettık jelı akkaunttary arqyly jurnalisterdıŋ atynan şyndyqqa janaspaityn mälımetter, sonyŋ ışınde bas redaktordyŋ qaitys bolǧany jönınde feik habarlamalar taralyp jatyr», — dep jazdy basylym.
Redaksiia «Orda» akkaunttarynyŋ äleumettık jelılerde jiı būǧattalatynyn da mälımdedı. Qūpiia chattarda redaksiia qyzmetkerlerıne qatysty densaulyǧyna jäne ömırıne tönetın qauıp jönınde aşyq jazylǧan.
Basylymdy baqylauǧa aluǧa baǧyttalǧan türlı äreketter sätsız bolǧannan keiın, yqpaldy adamdar «Orda» zaŋdy tūlǧasyn tartyp aluǧa kırısken. Mūndai äreketterdı redaksiia reiderlık basyp alu dep baǧalap otyr.
«Täuelsız BAQ retınde bız qandai da bır ortalyqtandyrylǧan jüiege qosyludan bas tarttyq. Osyǧan bailanysty bızdıŋ zaŋdy tūlǧamyzdy küşpen iemdenu jospary jasalyp otyr», — delıngen mälımdemede.
Qazırgı uaqytta redaksiia qūqyq qorǧau organdaryna resmi aryz daiyndap, jaqyn künderı baspasöz konferensiiasyn ötkızudı josparlap otyr. Onda būl şabuyldardyŋ artynda kım tūrǧany turaly naqty derekter ūsynylatyny habarlandy.
