Özbekstan syrtqy ıster ministrlıgı Resei aumaǧynda öz azamattaryna qatysty rūqsatsyz tekseruler men dörekı qarym-qatynas turaly habarlamalarǧa bailanysty alaŋdauşylyq bıldırdı. Būl turaly Gazeta.uz basylymy jazdy, dep habarlaidy “Adyrna”.
Ministrlık mūndai äreketter ekı el arasyndaǧy dostyq jäne odaqtastyq qarym-qatynasqa qaişy keletının mälımdep, olardy boldyrmau üşın naqty şaralar qabyldau qajet ekenın atap öttı. Özbekstan tarapy öz azamattarynyŋ qūqyqtary men müddelerın qorǧaudy syrtqy saiasattaǧy basym baǧyttardyŋ bırı dep sanaidy.
8 mausymda Mäskeudıŋ Strogino audanynda Qorǧanys ministrlıgıne qarasty bır jataqhanada OMON qyzmetkerlerı eŋbek migranttaryna qatysty reid jürgızgen. Kuägerlerdıŋ aituynşa, polisiia qyzmetkerlerı er adamdardy bölmelerınen küştep şyǧaryp, baiau qozǧaluşylarǧa fizikalyq küş qoldanǧan. Tüsırılgen videojazbalarda beiädep sözder men qorlau äreketterı anyq estılgen.
Özbekstannyŋ Mäskeudegı elşılıgı būl oqiǧaǧa bailanysty Resei tarapyna resmi diplomatiialyq nota joldaǧan. Notada bolǧan oqiǧaǧa qūqyqtyq baǧa beru jäne oǧan bailanysty tüsınıkteme beru sūralǧan. Ministrlık būl jaǧdaidy adam qūqyqtarynyŋ öreskel būzyluy dep baǧalap, mūndai äreketterge jol beruge bolmaitynyn
Özbekstan SIM ökılderı Reseidıŋ tiıstı organdaryn Özbekstan azamattaryna qūrmetpen qarap, olardyŋ ar-namysyn taptamauǧa şaqyrdy. Sonymen qatar, ministrlık būl mäselenı tūraqty baqylauda ūstap otyrǧanyn jäne qajet bolǧan jaǧdaida qosymşa şaralar qabyldauǧa daiyn ekenın jetkızdı.
Resei syrtqy ıster ministrlıgınıŋ resmi ökılı Mariia Zaharova Özbekstan elşılıgı jıbergen notadaǧy mälımetterdı mūqiiat qarap jatqanyn rastady. Onyŋ aituynşa, ekı el arasyndaǧy senımdı qatynas aiasynda barlyq tüsken signaldarǧa aşyq jäne jauapkerşılıkpen qaralady. Ol sondai-aq būl mäsele tiıstı reseilık mekemelerge joldanyp, obektivtı aqparat özbek jaǧyna jetkızıletının aitty.
Soŋǧy uaqytta Reseidegı eŋbek migranttaryna qatysty reidter, tekseruler men qataŋ şaralar Özbekstan, Qyrǧyzstan jäne Täjıkstan tarapynan bırneşe ret synǧa ūşyraǧan bolatyn. Būl jaǧdailar Orta Aziia elderınıŋ Reseimen qarym-qatynasyna äser etıp, migranttar qūqyǧyn qorǧau mäselesın kün tärtıbıne şyǧaryp otyr.
Özbekstan bilıgı osy mäselenı şeşu jolynda naqty qadamdar jasap, halyqaralyq qūqyq normalaryna sai äreket etudı talap etude.
