Şymkent qalasynda jedel-järdem qyzmetınen bölek mobildık top täulık boiy qyzmet körsetıp keledı. Emhanalar janynan qūrylǧan 58 mobildı top bügıngı künge deiın 15000 nauqasqa üige arnalǧan medisinalyq kömek körsetken. Būl turaly bastapqy medisinalyq sanitarlyq kömek körsetu tobynyŋ jetekşısı, №5 emhananyŋ bas därıgerı Jıbek Seidalina mälım ettı.
Mobildı top jetekşısınıŋ aituynşa, şaqyrtulardyŋ basym bölıgı salqyn tiiu, dene qyzuynyŋ köterluı, qūrǧaq jötelge bailanysty bolǧan.
«Ekı auysymmen jūmys ısteitın medisina mamandary bır künde 15-ten astam nauqasty qaraidy jäne telefon arqyly keŋester beredı. Därıgerler pasienttıŋ üiıne barysymen dene qyzuyn ölşep, tamaǧyn qarap, ökpesın tyŋdaidy. Eger nauqastyŋ jaǧdaiy auyr halde bolsa, kezekşı auruhanaǧa jetkızedı. Sonymen bırge, mobildı brigada qyzmetımen dispanserlık esepte tūratyn 38 556 azamatqa därı-därmek üilerıne jetkızıldı»,-dedı Jıbek Seidalina.Būdan bölek, mobildı brigada dispanserlık esepte tūrǧan 474 444 azamatqa qoŋyrau şalyp, jūqpaly aurudyŋ aldyn alu boiynşa keŋester berdı. Atqarylǧan jūmystar qaladaǧy epidemiologiialyq jaǧdaidyŋ jaqsaruyna öz äserın tigızgen.
Şymkent
Ūqsas jaŋalyqtar
