Adam bolmysy men sana-sezımın zertteumen ainalysatyn qordyŋ negızın qalaǧan amerikalyq käsıpker Robert Bigelou ölımnen keiıngı ömırdıŋ bar-joǧyn anyqtai alǧan jandarǧa $1 mln aqşalai syiaqy beretının mälımdedı, dep habarlaidy «Adyrna» ūlttyq portaly Azattyq Rýhy tılşısıne sılteme jasap.
«Biznesmen jariialaǧan konkursqa tek psihologiia men nevrologiia salasynda jūmys ıstep, ǧylymi därejege qol jetkızgen adamdar ǧana qatysa alady. Olar kem degende 25 myŋ belgıden tūratyn mätınde adam ölımınen keiın onyŋ bolmysynyŋ qandai küige ūşyraityny turaly dälel-däiekter keltıruı tiıs. Ümıtkerler öz jūmysyn 2021 jyldyŋ 1 tamyzyna deiın jıberuı kerek», - dep jazady News.ru basylymy.
Därıgerler men ǧalymdardan tūratyn ädılqazylar alqasy kelıp tüsken jūmystarǧa baǧa berıp, jeŋımpazdyŋ aty-jönın 1 qaraşa künı jariia etpek. Bırınşı oryn alǧan avtorǧa $500 myŋ kölemınde, ekınşı oryn iegerıne $300 myŋ, üşınşı orynǧa $150 myŋ aqşalai syiaqy tabys etılmek. Būl aqparat adam sanasyn zertteu jönındegı Bigelou qorynyŋ saitynda jariialandy.
Atalmyş qordy 2020 jyly qūrǧan käsıpker oǧan deiın ǧylym tüsındıre almaǧan airyqşa qūbylystardy zertteu jūmystaryn qarjylandyryp kelgen.
Ūqsas jaŋalyqtar
