«Jetısu – oqyrmandar mekenı» jobasynyŋ resmi tūsaukeserı Iliias Jansügırov atyndaǧy Jetısu universitetınıŋ bas ǧimaratynda öttı.
«Ruhani jaŋǧyru» jobalyq keŋsesı direktory Dana Diusenova men joba jetekşısı, oblystyq «Ruhani jaŋǧyru» jobalyq keŋsesı direktorynyŋ orynbasary Erjan Darmyşev būl jobany ıske asyru barysyna, maqsattary men mındetter turasynda egjei-tegjeilı aityp berdı.
Qazırgı zamanaui qoǧamda aqparattyq jäne sifrlyq tehnologiialardyŋ qarqyndy damuy jaǧdaiynda dästürlı ruhani qūndylyqtardyŋ jandanuy erekşe mänge jäne özektılıkke ie boluda. Sondyqtan, Qazaqstanda äsırese, jas ūrpaqtyŋ arasynda oqyrman qoǧamyn qalyptastyruǧa basymdyq berılude, - deidı spikerler.Elbasy Nūrsūltan Nazarbaevtyŋ «Bolaşaqqa baǧdar: ruhani jaŋǧyru» baǧdarlamalyq maqalasy aiasynda köptegen jūmystar qolǧa jüzege asuda. Biylǧy Täuelsızdıgınıŋ 30 jyldyǧyn merekeleu qarsaŋynda Almaty oblysynyŋ ışkı saiasat basqarmasymen jäne «Ruhani jaŋǧyru» jobalyq keŋsesımen «VIP ZHETYSU» ziiatkerlık kluby, «ZHETYSU QUEST» jäne «IQ DODA» ziiatkerlık oiyndary, «ZERDE» televiziialyq tok şouy siiaqty ziiatkerlıktı damytuǧa baǧyttalǧan bırqatar jobalar äzırlendı. Biylǧy jyldyŋ basty oqiǧalarynyŋ bırı — oqyrman ūlttyŋ imidjın qalyptastyruǧa, sondai-aq tarihi-mädeni qūndylyqtardy nasihattauǧa baǧyttalǧan «Jetısu — oqyrmandar mekenı» vending apparattaryn engızu jobasynyŋ äzırlenuı. Joba — sifrlyq tehnologiialar men ädebi-ruhani mūralardyŋ sintezı bolyp tabylady. Jobanyŋ mänı — sandyq tehnologiialardy qoldana otyryp, kez-kelgen adamǧa taŋdalǧan kıtapty oiyn arqyly jeŋıp aluǧa mümkındık beretın kıtap oqudy tanymal etu. Sonymen qatar būl kıtap elektrondy emes, dästürlı qaǧazǧa basylǧan kıtap. Avtomat sensorlyq ekranmen jabdyqtalǧan jäne qatysuşylarǧa Täuelsız Qazaqstannyŋ tarihyna, mädenietıne, geografiiasyna bailanysty tanymdyq sipattaǧy sūraqtar qoiatyn bıregei baǧdarlamalyq jasaqtama ornatylǧan. Ūsynylǧan sūraqtarǧa dūrys jauap bergen kezde vending-apparat avtomatty türde aldyn-ala taŋdalǧan kıtapty şyǧarady. Oiyndy bastamas būryn, qūrylǧyda bar ädebietter tızımın bıluge mümkındıkter jasalǧan. Aita keterlıgı, joba «IT QUIZ» jäne «Skolkovo» tehnoparkınıŋ damuyna qatysyp, üles qosqan Resei men Ukraina elderınıŋ IT mamandarynyŋ kömegımen jasaldy. Osylaişa, jobany äzırleuşıler sifrlandyrudy eskere otyryp, zamanaui sifrlyq tehnologiialardy paidalanu esebınen oqyrmandar sanyn arttyru mındetın basşylyqqa alady.
