Tötenşe jaǧdailar ministrlıgınıŋ baspasöz hatşysy Talǧat Uäli Baizaq audanyndaǧy äskeri bölımdegı jarylys saldarynan qaza tapqandardyŋ otbasyna 20 mln teŋgeden berıletının atap öttı, dep habarlaidy "Adyrna" ūlttyq portaly.
- Qaza tapqan qyzmetkerlerdıŋ otbasyna respublikalyq biudjetten 10 mln teŋge kölemınde kömek körsetıledı. Al jergılıktı biudjetten 5 mln teŋge, sondai-aq TJM Azamattyq qorǧau organdarynyŋ qyzmetkerlerı bır kündık jalaqylaryn arnaiy esepşotqa audarǧan bolatyn. Onda şamamen 100 mln teŋge jinaldy. Ol qarjydan 5 mln teŋgeden bölınedı. Osylaişa qaza tapqandardyŋ otbasylaryna 20 mln teŋge kölemınde audarylady,-dedı TJM baspasöz hatşysy.Talǧat Uäli būl materialdyq kömekten bölek jarylys saldarynan qaza bolǧan qūtqaruşylardyŋ otbasylaryna qyzmetkerdıŋ lauazymyna qarai bes jyldyq jalaqysy da audarylatynyn aitty. Sondai-aq marqūm bolǧandardyŋ nesielerı de keşırılmekşı.
- Jambyl oblysy äkımdıgı qaza tapqan azamattardyŋ qandai da bır ekınşı deŋgeilı bankterde nesiesı bolatyn bolsa, sony da keşıruge kelıssözder jürgızgenın aitty. Al esepşottta jinalǧan qarajat ärtürlı deŋgeide jaraqat alǧandarǧa da ülestırıletın bolady. Onyŋ kölemı alǧan jaraqatyna bailanysty bırneşe sanatqa bölınıp, tölemder jürgızıledı,-dedı Talǧat Uäli.Būdan özge ministrlıktıŋ baspasöz hatşysy jarylystan aman qalan azamattar aldaǧy uaqytta bırınşı jäne ekınşı deŋgeilı "Aibyn", "Halyq qaharmany" sekıldı türlı memlekettık nagradalarmen marapattauǧa ūsynylǧanyn aitty.
Esterıŋızge sala ketsek, 26 tamyzda Jambyl oblysy, Baizaq audanyndaǧy 28349 äskeri bölımınde ört şyǧyp, arty joiqyn jarylysqa ūlasty. Oqiǧa saldarynan qaza tapqandar sany 17-ge jettı. Marqūmdardyŋ ony azamattyq qorǧau organdarynyŋ, altauy — Qorǧanys ministrlıgınıŋ äskeri qyzmetkerlerı. Bıreuı — äskeri prokuror.
"Adyrna" ūlttyq portaly
Ūqsas jaŋalyqtar
