Soŋǧy kezderı Şymkent qalasynda densaulyq saqtau salasy boiynşa ülken özgerıster oryn aldy. Atap aitsaq, büirek almastyru, bauyr auystyru siiaqty kürdelı ota türlerı jasala bastady. Bırneşe jaŋa ǧimarattar boi köterdı. Jedel-järdem qyzmetınıŋ sapasy da artqan. Myqty-myqty mamandar arnaiy şaqyrtumen tartyla bastady. Mūnyŋ bärı de ölım-jıtımnıŋ azaiuuyna septıgı tiıp otyr.
Būl turaly bızge Şymkent qalasy densaulyq saqtau basqarmasynyŋ basşysy Baqytjan Pazylov äŋgımelep berdı.
Sūhbat barysynda bügıngı taŋdaǧy qalalyq aimaqtardaǧy emhanalardyŋ tynys-tırşılıgı men auruhanalardaǧy kürdelı otalarǧa qatysty, densaulyq saqtauǧa bölınetın qarjy men nazardyŋ bügıngı jai küiıne bailanysty türlı saualdarǧa jauap alyndy. Baqytjan Pazylov öz sözınde:
"Jalpy biylǧy täuelsızdıgımızdıŋ 30 jyldyǧy öte ülken, asa auqymdy meiramdardyŋ bırı. Ata babalarymyzdyŋ aŋsap ketken täuelsızdıgınıŋ arqasynda eşkımge qol jaiyp, eşkımnen nan sūrap otyrǧan joqpyz. Sonyŋ ışınde medisina salasyna keletın bolsaq, biyl osy Şymkent bolyp bölıngenımızge de bıraz uaqyt body. Būl da bır derbestıgımızdı bıldıredı. Qazır mıne özımızşe oblys, özımızşe qala boldyq. Sonyŋ ışınde megapolis bolǧannan keiın är salaǧa jauapkerşılık arta tüstı. Onyŋ ışınde medisina salasy da bar. Eŋ basty maqsat bızdegı, ol medisina salsynyŋ sapasyn köteru. Mysal retınde alatyn bolsaq bızde Şymkent qalasynan öte köp nauqastarymyz Nūr-Sūltan, Almaty, şet el asyp Taşkent, tıptı Koreia elınıŋ qalalarynan em ızdep ketetın edı. Sebebı bız ol uaqyttarda kürdelı otalardy jasai almaityn edık. Oǧan da sebep köp edı. Bırınşıden mamandar, ekınşıden qūral jabdyqtar daiyn emes edı. Ekonomikamyz sonşalyqty qūral jabdyqtardy satyp aluǧa mümkındık jasai almaityn edı. Al däl bügıngı künı, osy 30 jyldyqtyŋ töŋıregınde alyp qaraityn bolsaq atalǧan osyndai öte kürdelı operasiialardy bız özımız jasap otyrmyz" dedı.Tuu körsetkışı boiynşa Şymkent qalasy eŋ aldyŋǧy qatarly qalalardyŋ bırı ekenın basa aitty. Pazylovtyŋ sözınşe Şymkentte är 15 minut saiyn düniege säbi keledı eken. Sonymen qatar 14 memlekettık, 20 jeke menşık emhana densaulyq salasyn damytuda tynbai eŋbektenıp jatqanyn tılıne tiek ettı. Halyqtyŋ 30 paiyzy jeke menşık emhanaǧa tırkelgen bolsa, qalǧany memlekettık emhananyŋ kömegıne jügınetının aita kettı. "Bükıl Qazaqstan boiynşa qamtyp otyrǧan KAZMEDPRIBOR atty käsıporyn kompaniiasy qazırgı taŋda ökpenı jasandy jeldetu apparatyn, monitorlardy, UZİ, rentgen jäne taǧysyn taǧy, köptegen qajettı medisinalyq qūral jabdyqtardyŋ bärın şyǧaryp jatyr" dedı Bauyrjan Pazylov. Tolyǧyraq myna sılteme boiynşa köre alasyz: https://youtu.be/ydTy6SBg2Lc
"Adyrna" ūlttyq portaly
Ūqsas jaŋalyqtar
