سامبودان الەمنىڭ ەكى دۇركىن جۇلدەگەرى ايسارا كەرىمبەكوۆا 20 جىلدان بەرى اۋلا سىپىرىپ ءجۇر. سپورتشىنىڭ قازىرگى جاي-كۇيىن بەلگىلى جۋرناليست نۇرسەيىت جىلقىشىباي Instagram جەلىسىندەگى پاراقشاسىندا كورسەتتى، دەپ حابارلايدى «ادىرنا» ءتىلشىسى.
«بۇل — ماسقارا! بۇل — ۇلتتىق نامىسقا سىن! مينيسترلەر مىنبەردەن تۇسپەي جاتىر، ارداگەر سپورتشى اۋلادان شىقپاي ءجۇر. قايداسىڭ، سپورت جانە تۋريزم ءمينيسترى؟ ءتىرى اڭىزعا تىرىسىندە قۇرمەت كورسەتۋ پارىز ەمەس پە؟ باتىردى باعالاماعان ەلدەن قانداي ۇرپاق شىعادى؟ ۇيات ەمەس پە، اعايىن؟»—دەدى
ءجۋرناليستىڭ جازباسىنا قازنەت قولدانۋشىلارى ءتۇرلى پىكىر قالدىردى.
«اۋىر جاعداي»، ء«تىرى اڭىز اۋلا سىپىرۋشى بولىپ ءجۇر»، «بيلىك نە قاراپ وتىر؟»—دەدى ولار.
ايتا كەتەيىك، ايسارا كەرىمبەكوۆا 1965 جىلى الماتى وبلىسىندا دۇنيەگە كەلگەن. ول سامبودان حالىقارالىق دارەجەدەگى سپورت شەبەرى، دزيۋدودان سپورت شەبەرى، قازاقستاننىڭ ءۇش دۇركىن چەمپيونى، قازاق قىزدارىنىڭ اراسىندا الەم كۋبوگىن يەلەنگەن سپورتشى. 1992 جىلى ەلىمىزدىڭ تاڭداۋلى ون سپورتشىسى قاتارىنا ەنگەن.