قازاقستاننىڭ ەكس-پرەزيدەنتىنىڭ ءباسپاسوز حاتشىسى ايدوس ۇكىباي نۇرسۇلتان نازارباەۆتىڭ نە سەبەپتى رەسەي پرەزيدەنتى ۆلاديمير پۋتينمەن كەزدەسكەنىن ايتتى، دەپ حابارلايدى «ادىرنا» ءتىلشىسى.
ول تۇڭعىش پرەزيدەنتتىڭ ماسكەۋگە ساپارى بەيرەسمي جانە جەكە سيپاتتا بولعانىن مالىمدەدى.
«نازارباەۆ پەن ءپۋتيننىڭ اراسىندا مەملەكەتتىك وكىلەتتىكتەرگە قاراماستان، ۇزاق جىلدار بويى ساقتالعان دوستىق قارىم-قاتىناس بار. ەكس-پرەزيدەنت تەك رەسەي باسشىسىمەن ەمەس، تۇركيا، قىتاي، ءباا، وزبەكستان، بەلارۋس جانە باسقا دا ەلدەردىڭ وكىلدەرىمەن تەلەفون ارقىلى سويلەسىپ، حات الماسىپ، جەكە كەزدەسۋلەر وتكىزەدى. ساياسي قايراتكەرلەرمەن جەكە بايلانىس حالىقارالىق تاجىريبەگە ساي»،—دەدى ول.
سونداي-اق ايدوس ۇكىباي نۇرسۇلتان نازارباەۆتىڭ تۇراقتى تۇردە قازاقستاندا تۇراتىنىن ايتتى. ايتۋىنشا، ەكس-باسشىنىڭ ەلدەن تىس جەرگە كەتۋى تۋرالى حابارلامالار شىندىققا جاناسپايدى.
