تاياۋ شىعىستاعى جاعدايدىڭ ۋشىعۋىنا بايلانىستى قازاقستان يزرايلدە شۇعىل بايلانىس جەلىلەرىن اشتى، دەپ حابارلايدى "ادىرنا" ۇلتتىق پورتالى.
«تاياۋ شىعىستاعى جاعدايدىڭ شيەلەنىسۋىنە بايلانىستى، قازاقستاننىڭ تەل-اۆيۆتەگى ەلشىلىگى يزرايل اۋماعىندا جۇرگەن بارلىق قازاقستان ازاماتتارىنا تىل باسقارماسىنىڭ نۇسقاۋلارىن قاتاڭ ساقتاۋدى، قاۋىپسىزدىك شارالارىن كۇشەيتۋدى، قىراعىلىق پەن ساقتىق تانىتۋدى، سوڭعى جاڭالىقتاردى باقىلاپ وتىرۋدى جانە قازاقستان ەلشىلىگىمەن ۇنەمى بايلانىستا بولۋدى ۇسىنادى. قازاقستان ازاماتتارى ءۇشىن يزرايلدە شۇعىل بايلانىس جەلىلەرى اشىلدى»، - دەلىنگەن قازاقستان ەلشىلىگىنىڭ حابارلاماسىندا.
قازاقستان ەلشىلىگىنىڭ بايلانىس نومىرلەرى (يزرايل):
+972 (3) 503 78 85 – كەزەكشى ءنومىر
+972 53 635 19 83 – ءموبيلدى، WhatsApp
+972 55 273 38 13 – ءموبيلدى، WhatsApp
+7 700 111 31 96 – WhatsApp
ەسكە سالساق، جۇماعا قاراعان ءتۇنى يزرايل يراننىڭ يادرولىق نىساندارىنا اۋە سوققىلارىن جاساعان بولاتىن.
