Qaŋtardyŋ qandy qyrǧyny
Ömırdıŋ boldy şyndyǧy!
Baq pen sor degen bır demde-
Oilaǧan deisıŋ kım mūny?!.
Aryz da aitar köp tegı,
Nege olar tynyş ketpedı?!.
Otyz jyl aitqan odamyz
Otyz saǧatqa jetpedı!?.
Otyz jyl ūltqa ögeisıŋ,
Otyzdyq qaida,- kedeisıŋ!
Airylǧan jalǧyz ūlynan
Äke-şeşege ne deisıŋ?!.
Qoiǧanyŋ qaida köpşıktı?
Al sodan qaida şöp şyqty?!
Qanşama jandy öksıttı -
Mūrtsyz saqaldar deuşı edık,
Ūltsyz “nahaldar” bop şyqty!
Qaida älgı sansyz jiyndar?
Ornady nege qiyn hal?!.
Qauıpsızdıgımdı qorǧaityn
Qauıptı boldy ūiymdar!
Tüsınbes eldı bailar tük,
Elıme qonsyn qaidan qūt?!.
Altyndy basyp otyryp,
Jalaŋaiaqqa ainaldyq!
Qūl bolyp,qoja tılıne,
Jat bolyp jürmız künıge.
Ataŋnyŋ atyn aita almas,
Ūltsyzdyq jeter tübıŋe!
Alladan bärı ornaidy -
Azattyq basqa qondy äigı.
Qamytty kımder qoldaidy?!.
Halyqty bılmes, sol qaiǧy!
Tıl joqta - Dılıŋ joq bolar,
Dıl joqta dymyŋ bolmaidy!
Kökjiek qaida köp barar,
Kökezu sözdı töktı olar.
Ūltşyldyq eger joq bolsa,
Ūltyŋ da tübı joq bolar!
Halyqty degen tonaiyq,
Bilıkte boldy köp aiyp.
Täuelsız boldyq endı bız,
Täube dep, atqa qonaiyq!
"Adyrna" ūlttyq portaly.
