QR Aqparat jäne qoǧamdyq damu ministrlıgı BAQ salasyndaǧy uäkılettı organ jäne ärqaşan BAQ ökılderın qoldau jönındegı ūstanymdardy ūstanatynyn mälımdedı, – dep habarlaidy "Adyrna" ūlttyq portaly QR Aqparat jäne qoǧamdyq damu ministrlıgı baspasöz qyzmetıne sılteme jasap.
Ministrlık mälımdemesınde bügıngı taŋda el aumaǧynda BAQ ökılderı üşın tiıstı aiyrym belgılerı bekıtılgen beibıt jinalystarda jurnalist (būqaralyq aqparat qūraldarynyŋ ökılı) qyzmetınıŋ qaǧidalary qoldanylatyny jazyldy.
"Keudeşe, jeŋdegı taŋǧyş, japsyrma jurnalistıŋ aiyrym belgılerınıŋ nysandary bolyp tabylady. Körsetılgen aiyrym belgılerın taǧyp jüru kezınde olardyŋ anyq körınuın qamtamasyz etu qajet. Ministrlık BAQ ökılderın ūstap aludyŋ ärbır jaǧdaiyn mūqiiat tekseredı. Qazırgı uaqytta qūqyq qorǧau organdarymen bırlesıp, ūstap aludyŋ barlyq faktılerı boiynşa tekseru jürgızılıp, zerdelenude. Ūstap alu faktılerın anyqtaudaǧy negızgı problemalar jurnalisterde aiyrym belgılerınıŋ bolmauy bolyp tabylady, būl olarǧa qatysty käsıbi qyzmetterın jüzege asyruǧa rūqsat berude problema tudyrdy", — dep jazdy baspasöz qyzmetı.Būdan basqa, oqiǧalardyŋ körsetılgen kezeŋınde BAQ-tyŋ jekelegen ökılderı Qazaqstan Respublikasynda «Beibıt jinalystardy ūiymdastyru jäne ötkızu tärtıbı turaly» zaŋnamany būzu faktılerı boiynşa, sondai-aq tötenşe jaǧdai kezınde qūqyqtyq tärtıptı būzuǧa itermeleitın äreketterı jäne tıkelei özderınıŋ käsıbi qyzmetterın jüzege asyrmaǧany üşın ūstalǧany turaly habarlandy.
"Ministrlık tötenşe jaǧdai rejimınıŋ talaptaryna tüsınıstıkpen qarauǧa jäne qataŋ saqtauǧa, sondai-aq būqaralyq ıs-şaralardy jariia etu kezınde jurnalisterdıŋ aiyrym belgılerıne ie boluǧa şaqyrady. Atalǧan mäsele ministrlıktıŋ tūraqty baqylauynda", — dedı ministrlık.
"Adyrna" ūlttyq portaly.
