Aqtöbe oblysynda ırı käsıporyndar jūmysşylardyŋ jalaqysyn kötere bastady, dep habarlaidy jergılıktı Moi gorod portaly.
Aimaqtaǧy mitingter kezınde ırı käsıporyndardyŋ jūmysy toqtap tūrdy. Sonyŋ ışınde Aqtöbe mys kompaniiasy, "Qazhrom" men "SPNS-Aqtöbemūnaigaz" bar. Narazylyq aksiialary bastalǧannan keiın arnaiy komissiia qūrylǧan bolatyn.
Aqtöbe oblysy äkımınıŋ orynbasary Ruslan Qambarovtyŋ aituynşa, ırı käsıporyndar 2-3 kündei jūmys ıstemei tūrǧan. Sonyŋ özı ekonomikalyq körsetkışterge bırşama äser ettı. Jūmysşylar joldy japqannan keiın kölık qatynasy men jük tasymaly toqtady.
"Jūmys beruşıler men jūmysşylar arasyndaǧy dau-damai şekten şyǧyp kettı. Adamdar temır joldy jäne tas joldy jaba bastady. Ondai jaǧdai käsıporyndardyŋ jūmysyna ǧana emes, jalpy, temırjol men kölık qatynasyna kerı äser ettı. Qalalar arasyndaǧy qatynas toqtap qaldy. Mäselen, Samara-Şymkent tas jolynda Hromtauǧa jaqyn jerde ülken keptelıs boldy", - deidı Qambarov.Būdan bölek, mitingke qatysuşylar Aqtöbe - Astrahan, Qarabūtaq - Qostanai, Qandyaǧaş – Embı tas joldaryn jauyp tastady. Narazylyq bıldıruşı top jalaqyny köterudı talap ettı.
"Osy aidan bastap 25 myŋ jūmysşynyŋ jalaqysy ortaşa eseppen 25 prosentke ösedı. Aqtöbe mys kompaniiasy, "Kopper Tehnolodji" men "Qazgeorud" bar, ol jerde, şamamen, ekı myŋ adam ısteidı, jalaqy 20 prosentten 50-ge deiın köterıledı. Aimaqtaǧy ırı mūnai kompaniiasy - "SPNS-Aqtöbemūnaigazda" 25 prosentke, al "Qazhromda" jalaqy 10 prosentten 35-ke deiın artady", - dedı äkımnıŋ orynbasary.Qambarov basqa kompaniialarmen kelıssöz jürgızılıp jatqanyn da jetkızdı.
”Adyrna” ūlttyq portaly
