Almaty tūrǧyny Läilım Äbıldaeva Qazaqstannyŋ qūqyq qorǧau organdaryna jügındı. Onyŋ küieuı Timur Kim qaladaǧy tärtıpsızdıkterden keiın ūstalǧan. Tengrinews.kztılşısı bergen sūhbatynda äiel oqiǧanyŋ män-jaiyn aityp berdı.
Äbıldaevanyŋ aituynşa, 9 qaŋtarda keşkı saǧat 19.00 şamasynda betperde kiıp, qolyna avtomat ūstaǧan onşaqty adam üige basyp kırıp, üş balanyŋ közınşe küieuın ūra bastaǧan.
"8 jasar qyzym, 6 jasar ūlymnyŋ közınşe ūra bastady. Men 3 ailyq qyzymdy tamaqtandyryp otyrǧanmyn. Balalar, sonyŋ ışınde mende de küizelıs boldy, būl ūmytylmaidy. Küieuımdı belgısız jaqqa alyp kettı. Bır künnen keiın qolyna kısen salyp, barlyq polisiia qyzmetkerımen päterdı tıntuge keldı. Sol kezde Almaty PD ekenın bıldık. Tünı boiy ūryp-soǧyp, mazaq etkenın aitty. Kiımı qan-qan, jyrtylǧan. Kiımın auystyruǧa rūqsat berdı. Olar tıntuge kelgende, tergeuşınıŋ sözınen oǧan laŋkesterge kömektestı degen aiyp taǧylǧanyn bıldık. Ol aq tüstı Mitsubishi Delica kölıgınde qaru taratqan delınedı, tergeu barysynda üş adam ony nūsqap tūrǧany belgılı boldy. Al būl qateden basqa eşteŋe emes, qyzmetkerlerdıŋ aituynşa, ol ızdeude jürgen basqa adamǧa ūqsaidy", - dedı äielı.
Sondai-aq, Läilım Äbıldaeva 5 qaŋtarda mitingıler kezınde küieuı men aǧasy äskerilerge, polisiia qyzmetkerlerıne jäne beibıt tūrǧyndarǧa kömek körsetu üşın saǧat 19:00 şamasynda Nissan Murano kölıgımen alaŋǧa qarai barǧanyn tüsındırdı. Bırneşe kün būryn onyŋ aǧasy, būrynǧy polisiia qyzmetkerı tärtıpsızdıkter kezınde zardap şekken poliseilerge kömektesken.
"5 qaŋtarda Sätbaev köşesımen Respublika alaŋyna qarai kele jatyp, olar qauıpsız jerge toqtap, narazylyq bıldıruşıler tobyn körıp, qorqyp, üilerıne qaitudy ūiǧarǧan. Üige qaityp kele jatyp, "Almaty" baqylau-ötkızu beketı janynan ötkende memlekettık nömırı joq belgısız qara kölık olardy toqtatyp, ışınen 4-5 adam şyqqan. Olardy kölıkten küştep şyǧaryp, kölıktı tınte bastaǧan. Jüksalǧyşty aşuǧa mäjbürlegen, sodan keiın qarapaiym azamattar ekenıne köz jetkızıp, olardy jıbergen. Odan ärı qorqyp, üilerıne qaitqan. Jolda aǧamdy üiınde qaldyryp, keşkı saǧat 21.00 şamasynda üige keldı. Sodan keiın ol eşqaida ketpedı", - dedı ol.
Almaty Polisiia departamentı er adam Qazaqstan Respublikasy Qylmystyq kodeksınıŋ 255-baby 4-bölıgı ("Terrorizm aktısı") boiynşa qylmys jasady degen küdıkke ılıngenın tüsındırdı. Ol uaqytşa ūstau izoliatoryna qamalǧan. Tergeu soty sanksiiasy bergen.
"Būl oqiǧalarǧa küieuım men aǧam qatysty bolsa, nege basqalar siiaqty kölık nömırın şeşpedı. Äsırese küieuım ūstalǧan soŋ aǧam Almaty qalalyq Polisiia departamentıne öz erkımen bardy, odan jauap alyp, bostandyqqa jıberdı. Ol küieuım kınäsız ekenıne kuä. Bızdıŋ otau qūrǧan jyldary ol eşqaşan agressiia körsetpedı, onyŋ meiırımdı, janaşyr, adal adam ekenın bärı bıledı. Qūqyq qorǧau organdaryna eş qarsylyǧym joq. Bıraq küieuımnıŋ ısın jan-jaqty jäne ädıl tekserudı sūraimyn. Ol otbasyndaǧy jalǧyz asyrauşy", - dedı Äbıldaeva.
“Adyrna” ūlttyq portaly
Basqalarmen bölıse
otyryŋyz
