Halyk Bank zardap shekkenderge kómek kórsetý úshin 3 mlrd teńge bóledi

2409
Adyrna.kz Telegram

Halyk Bank óz qarajatynan 3 mlrd teńge baǵyttaıdy. Bul qarajatty shaǵyn jáne mıkro bıznes sektoryndaǵy zardap shekken kásipkerlerge kómek retinde, sondaı-aq qıraǵan nysandardy tez arada qalpyna keltirý jáne shuǵyl sheshimdi talap etetin basqa da mindetterge jumsalady.

Buǵan deıin Halyk Bank basshysy Úmit Shaıahmetova Atameken Business telearnasynda bergen suhbatynda terrorıstik shabýyl jáne jappaı tártipsizdiktiń joıqyn saldaryn jeńýge kómektesýge daıyn ekenin aıtqan bolatyn.

"Meniń oıymsha, qazirgi jaǵdaıda birlik kerek. Kez kelgen qıyndyq, kez kelgen jaýǵa qarsy turýymyz qajet. Men óz elimdi óte jaqsy kóremin jáne árbirimiz qolymyzdan kelgenshe elimizdiń eńse kóterýine kómek berip, jaqsylyqtyń jarshysy bolýymyz qajet. Osy qıyn-qystaý kúnderde barlyǵy beıbit ómirdiń óte názik ekenin jáne eń basty qundylyǵymyz - adam ómiri men densaýlyǵy ekenin sezindik. Sondyqtan, árdaıym elimiz tynysh, denimiz saý, úıimizden bereke úzilmesin", - dep atap ótti Úmit Shaıahmetova.

Pikirler