Auyl şaruaşylyǧy ministrlıgı Qazaqstanda ausyl auruynyŋ tırkelgenın resmi türde rastady, dep habarlaidy «Adyrna» tılşısı KazTAG-qa sılteme jasap.
«Qaraǧandy oblysy Şet audanynyŋ Kiıktı auyldyq okrugınde dene qyzuy köterılıp, jem-şöpten bas tartqan ırı qara mal anyqtaldy. Diagnozyn anyqtau üşın osy januarlardan biologiialyq material synamalary alyndy, olar QR Auyl şaruaşylyǧy ministrlıgı Veterinariialyq baqylau jäne qadaǧalau komitetınıŋ Veterinariia boiynşa ūlttyq referenttık ortalyǧyna jıberıldı. Zerthanalyq zertteulerdıŋ nätijelerı boiynşa ausyl diagnozy qoiyldy»,– delıngen habarlamada.Osy jaǧdaiǧa bailanysty 14 qaŋtarda Kiıktı auyldyq okrugı äkımınıŋ şeşımımen auru maldar tabylǧan «Mūrat» fermerlık şaruaşylyǧyna karantin qoiyldy.
«Respublikalyq epizootiiaǧa qarsy otriad» RMM veterinariialyq-karantindık ıs-şaralardy jürgızuge kırıstı, infeksiia oşaǧyn joiu boiynşa arnaiy tehnika men 16 maman jūmyldyryldy. Öŋırdegı epizootiialyq jaǧdai baqylauda», - dep tolyqtyrdy Auyl şaruaşylyǧy ministrlıgı.Esterıŋızge sala keteiık, 12 qaŋtarda Resei ausyl auruyna bailanysty Qazaqstannan et pen süt äkeludı şektegen bolatyn.
Ausyl - jylqydan basqa tülıktıŋ barlyǧynda kezdesetın qaterlı ındet türı. Oǧan şaldyqqan maldyŋ közı jasaurap, auzynan sılekei aǧady, küldıreuıkter şyǧyp, jūqa terılı jerge deiın örşıp, tutasyp, ırıŋdı suǧa ainalady. Ekı- üş künnen keiın küldıregen tılın salbyratyp, sılekeiın toqtausyz şūbyrta bastaidy.
«Adyrna» ūlttyq portaly
