Jurnalist Nūrlan Asqarūly qazırgı astanamyz Nūr-Sūltan qalasynyŋ atauyn özgerter bolsaq "Bozorda" dep özgertudı ūsyndy, dep habarlaidy "Adyrna "ūltyq portaly.
" Taraz jäne Qarauyl siiaqty tarihi eskı ataulardy joimauymyz qajet. Al Jambyl men Abai syndy ırı aqyndarymyzdyŋ jäne Alaş arystarynyŋ esımderın qala atauy etıp qoiǧymyz kelse, qazaqtyŋ keŋ dalasynda jaŋa qalalar tūrǧyzyp, jaŋa tarih qalyptastyruymyz qajet. Negızgı oiym, Täuelsızdıkten keiıngı tarih iaki keiıngı jüzjyldyqtaǧy tarihi tūlǧalardyŋ atyn qalalarǧa, audan ortalyqtary men auyldarǧa beru arqyly bız ejelge ataulardy joǧaltyp aluymyz mümkın. Toponomimikalyq ataular ūlttyq erekeşelıkterımızdı saqtap, baiyrǧy tarihymyzdan habar beretın ruhani dünieler.Qarauyl, Taraz sekıldı qadymnan qalǧan qala ataulary bızdıŋ ejelden el bolyp, jūrt bolyp qalyptasqandyǧymyzdy bıldıredı.Tarihta qalalardyŋ joiyluy şahar tūrǧyndarynyŋ ındetten qyrylyp, ol jerdı tärk etıp köşıp ketken kezımen nemese syrttan kelgen şapqynşylar örtke orap, jan qaldyrǧmaǧan jaǧdailarmen ǧana bailanysty. Elımızdıŋ oŋtüstıgındegı bırneşe qalanyŋ atauy osyndai sebepten atalmaidy. Tek, mūraǧattaǧy sarǧaiǧan qūjattarda jäne tarihi eŋbekterdıŋ paraqtarynda ǧana jazylǧan qalalardy qaita qalpyna keltıru köp jūmysty qajet etedı. Otyrar, Saraişyqty eske alsaq bırneşe jüz jyl būryn bolǧan tarih oiymyzǧa oralady. Būl qalalar qazır tek mūrajai retınde ǧana ıske jarap tūr. Bız būdan sabaq alyp, ıs qylsaq jaŋylmaimyz. Eldı mekender men qalalardyŋ atauyn auystyrǧanda qoǧamdyq ǧylymdar salasynyŋ ǧalymdary, jaratylystanu baǧytynyŋ ǧalymdary jäne özge de onomastika siiaqty tıkelei jauapty salanyŋ mamandary bırlesıp, halyqtyŋ pıkrımen sanasa otyryp özgertken dūrys dep oilaimyn" dep pıkır bıldırdı Nūrlan myrza.
Tıptı ol osy taqyrypta öleŋ şyǧardy.
Bozorda
Tarihyn Bozoqtan bastaǧan, Derektı, jädıger saqtaǧan. Är kezde ärqalai aitylyp, Soŋynda Bozorda atanǧan. Kögınde künı tūr qalqyǧan, Biıkke qyrany talpynǧan. Egıste bidaiy jaiqalǧan, Önerlı ūrpaǧy än şyrqaǧan. Mereilı maqtanym Bozordam, Alystan qarasaŋ bozarǧan. Qonaqty mūndalap şaqyrǧan, Araily, şyraily – Astanam. Danalar qalamyn ūştaǧan, Bilerı hannan da yqpaǧan. Saz ilep qūmyra jasaǧan, Kırpışten üi salyp qystaǧan. Täŋır dep bır-bırın qostaǧan, Ūl-qyzy ädepten aspaǧan. Erınbei ter tögıp mal baǧyp, Bailary tört tülık ūstaǧan. Ejelden erı bar ken qazǧan, Öndırgen jerlerı Jezqazǧan. Alyptar naizasyn saptaǧan, Namysy bairaǧyn jyqpaǧan.
Nūrlan ASQARŪLY, "Adyrna" ūlttyq portaly
