Fort-Shevchenko qalasynyń ákimi mas kúıde kólik júrgizgeni úshin 15 táýlikke qamaldy

2505
Adyrna.kz Telegram

Fort-Shevchenko qalasynyń ákimi mas kúıde kólik júrgizgeni úshin 15 táýlikke qamaldy. Bul týraly Mańǵystaý oblysy Túpqaraǵan aýdandyq sotynyń baspasóz qyzmeti habarlady, dep jazady "Adyrna" ulttyq portaly Lada.kz.-ke silteme jasap.

Fort-Shevchenko ákimi Shalqybaı Ázirbaev ÁQBtK-niń 608-babynyń 1-bóligi boıynsha sot aldyna keldi.

- Sot sheneýniktiń Toyota Camry kóligin mas kúıinde basqarǵanyn anyqtady. Ol Aqtaýda Fort-Shevchenko avtojolynyń 3-shaqyrymynda ustaldy. Saraptama onyń jeńil dárejede mas bolǵanyn rastady. Túpqaraǵan aýdandyq sotynyń baspasóz qyzmeti atalǵan tártipbuzýshylyq 15 kúnde qamaýǵa alý jáne júrgizýshi kýáliginen 7 jylǵa aıyrý jazasyn kózdeıtinin alǵa tartty. "Ázirbaev sot otyrysynda óz kinásin moıyndaǵan joq. Ol alkogoldi ishimdik ishpegenin, syrtqattanýyna baılanysty moınyn spırtpen súrtkenin aıtty, - dedi sotta.

Memlekettik aıyptaý memlekettik qyzmetkerdi kináli dep tanýdy surady. Ol 15 táýlikke qamalyp, 7 jylǵa kólik quralyn basqarý quqyǵynan aıyryldy. Qaýly zańdy kúshine engen joq. 

"Adyrna" ulttyq portaly

Pikirler