Fort-Şevchenko qalasynyŋ äkımı mas küide kölık jürgızgenı üşın 15 täulıkke qamaldy. Būl turaly Maŋǧystau oblysy Tüpqaraǧan audandyq sotynyŋ baspasöz qyzmetı habarlady, dep jazady "Adyrna" ūlttyq portaly Lada.kz.-ke sılteme jasap.
Fort-Şevchenko äkımı Şalqybai Äzırbaev ÄQBtK-nıŋ 608-babynyŋ 1-bölıgı boiynşa sot aldyna keldı.
- Sot şeneunıktıŋ Toyota Camry kölıgın mas küiınde basqarǧanyn anyqtady. Ol Aqtauda Fort-Şevchenko avtojolynyŋ 3-şaqyrymynda ūstaldy. Saraptama onyŋ jeŋıl därejede mas bolǧanyn rastady. Tüpqaraǧan audandyq sotynyŋ baspasöz qyzmetı atalǧan tärtıpbūzuşylyq 15 künde qamauǧa alu jäne jürgızuşı kuälıgınen 7 jylǧa aiyru jazasyn közdeitının alǧa tartty. "Äzırbaev sot otyrysynda öz kınäsın moiyndaǧan joq. Ol alkogoldı ışımdık ışpegenın, syrtqattanuyna bailanysty moinyn spirtpen sürtkenın aitty, - dedı sotta.Memlekettık aiyptau memlekettık qyzmetkerdı kınälı dep tanudy sūrady. Ol 15 täulıkke qamalyp, 7 jylǧa kölık qūralyn basqaru qūqyǧynan aiyryldy. Qauly zaŋdy küşıne engen joq. https://youtu.be/tSl-PVntH2A
"Adyrna" ūlttyq portaly
