Qazaqstannyŋ būrynǧy prezidentı Nūrsūltan Äbışūlymen qosa jūrt onyŋ tuǧan-tuystaryn da ızdep jatyr. Tūŋǧyş prezidenttıŋ bauyry Bolat Nazarbaevtyŋ şetel asyp ketkenı söz boldy. Nege.kz tılşısı Bolat Äbışūlynyŋ Almaty ırgesındegı «rezidensiiasyna» baryp qaitty.
Üşqoŋyrǧa barar jol boiynda elden erekşelep salynǧan qorǧan baiqalady. «Üi» dep aitpai otyrǧanymyz qorǧan biıktıgınen arǧy bette ne baryn köru mümkın emes. Jergılıktı tūrǧyndardyŋ aituyna qaraǧanda, būl aumaqta Bolat Nazarbaevtyŋ üiı ornalasqan.
Saparymyzdyŋ negızgı maqsaty B.Nazarbaevtyŋ qaida ekenın anyqtau jäne üi maŋynda kelımdı-ketımdı adam bolsa, äŋgımege tartyp män-jaidy sūrau edı. Bızben qatar būl jerge orda.kz redaksiiasyndaǧy ärıptesterımız de kelgen eken. Olar dron ūşyryp, aula ışınen qandai da bır aqparat aluǧa tyrysty.
Sol sättu janymyzǧa memlekettık tırkeu nömırı 767 AY|05 KIA avtokölıgı toqtap, baqylyp tūrdy.
Köp ötpei äuedegı dronǧa atylǧan bırneşe oq dausy estıldı. Artynşa avtomat asynǧan küzetşısı bızge qarai jügırıp keldı. Bızdıŋ kım ekenımızdı, ne üşın taspaǧa tüsırıp jatqanymyzdy anyqtamaq boldy. «Kımnıŋ üiın küzetesız?» degen bızdıŋ qarsy saualymyzdy estımegendei boldy.
– Ne ıstep jürsıŋder?
– Jūmyspen jürmız.
– Dron kımdıkı, senderdıkı ma?
– Tynyştyq pa?
– Üidıŋ ışıne kırıp kettı...
– Üidıŋ ışıne qalai kıredı, esık-terezesı aşyq emes şyǧar?!
– Üidıŋ ışıne kırıp kettı.
– Mynau «Bolat Nazarbaevtyŋ üiı» degen ras pa?
– Ol kım? Tanymaimyn men... Sender kımsıŋder?
– Bız – jurnalist. Al, sız kımsız? Nege köşede qaru asynyp jürsız?
– Beibıt kün emes, osy jerde jürmın.
– Ne üşın jürsız?
– ...
P.S: Bolat Nazarbaevtyŋ üiın küzetetın qaru asynǧan küzetşı osylaişa dronǧa oq atyp, jurnalisterge doq körsettı. Kigen kiımınde qandai da bır äskerdıŋ nemese polisiianyŋ arnaiy belgılerı joq. Iаǧni būl üidı jeke adamdar küzetıp jürse kerek. Al «Bolat Nazarbaev qaida?» degen sūraqqa sol küiı jauap tabylmady.
https://youtu.be/ze0qkH7kOaI“Adyrna” ūlttyq portaly
