Ükımet «ÖKM Operatorynyŋ»ökılettıgın toqtatu turaly qauly qabyldady. Endıgı kezekte utilizasiialyq alymdy «Jasyl Damu» memlekettık kompaniiasy jüzege asyrady. Ūiym ne ısteidı, onyŋ qarjylyq jaǧdaiy qandai jäne ony kım basqarady? Osy jäne özge de sūraqtarǧa Azattyq Rýhy tılşısı jauap berdı.
Aşyq közderden alynǧan derekter boiynşa, "Jasyl Damu" aksionerlık qoǧamy Qarjy ministrlıgınıŋ Memlekettık mülık jäne jekeşelendıru komitetıne tiesılı ekenı belgılı. Kompaniia saitynda AQ Qazaq ekologiia jäne klimat ǧylymi-zertteu institutyn qaita qūru jolymen qūrylǧandyǧy körsetılgen.
Kompaniia 2013 jylǧy 29 nauryzda elordada Qonaev köşesı, 12/1-de tırkeldı. Ol 31-den 40 adamǧa deiın jūmys ısteitın şaǧyn käsıporyn retınde esepteledı.
Ūiymda bırneşe qyzmet türlerı bar: qauıptı qaldyqtardy öŋdeu jäne joiu, jaratylystanu jäne tehnikalyq ǧylymdar salasyndaǧy zertteuler men äzırlemeler, aqparattyq tehnologiialar men aqparattyq jüieler salasyndaǧy qyzmetter.
Negızgı missiiasy – qorşaǧan ortany saqtau, qalpyna keltıru jäne sapasyn jaqsartu boiynşa jaǧdai jasau.
Käsıporynnyŋ qarjylyq jaǧdaiy tüsınıksız. 2011 jylǧa deiın salyq şegerımderı öte joǧary bolǧan, sodan keiın ūiym «Jasyl damu» serıktestıgı bolyp qalyptasa bastaǧan tūsta olar kürt tömendegen. Bıraq soŋǧy jyldary biudjetke tüsetın tüsımder artyp keledı. Jaǧdaiy jaqsy bolyp körıngenımen, pk.uchet qyzmetınıŋ mälımetınşe, kompaniia biudjetke salyq pen kedendık tölemder boiynşa 635 939 teŋge qaryz.Kompaniiany būryn Qostanai oblysy boiynşa ekologiia departamentınıŋ basşysy bolǧan Azamat Älımbaev basqarady. Sondai-aq ol būryn Ekologiialyq retteu jäne baqylau komitetı töraǧasynyŋ orynbasary bolyp jūmys ıstedı.
«Adyrna» ūlttyq portaly
