ASTANA. QazAqparat - QR Prezidentı Nūrsūltan Nazarbaev barşa qazaqstandyqtardy Nauryz meiramymen qūttyqtady, dep xabarlaidy QazAqparat tılşısı.
"Qūrmettı otandastar, kele jatqan köktem men jaqsylyqtyŋ merekesı - Nauryz meiramy barşa qazaqstandyqtarǧa qūtty bolsyn! Būl - ūzyn qystan keiın, aiaz ben borannan keiın asyǧa kütetın merekemız. Menıŋ Jarlyǧymmen, Nauryzdy üş kün toilaityn bolamyz. Baǧzy zamannan kele jatqan mereke Täuelsızdıkpen bırge qaita oraldy. Mıneki, Täuelsızdıktı alǧaly berı osy Nauryzdy atap kele jatyrmyz. Tübınde būl bızdıŋ negızgı jaŋajyldyq merekemız bolady. 1 qaŋtardy I Petr Batys Europadan alyp kelgen edı. Ony da toilaimyz. Bıraq bızdıŋ negızgı merekemız - kün men tünnıŋ teŋeletın, tabiǧattyŋ barlyǧy oianatyn kez", - dep atap öttı N.Nazarbaev "Jaŋarǧan jer, baq qonǧan nūrly el" atty miuzikldı tamaşalaǧannan keiın tılşılerge bergen sūhbatynda.
Memleket basşysynyŋ aituynşa, Täuelsızdık jyldary ışınde bıraz şarua atqaryldy. Būnyŋ barlyǧy xalyq bırlıgı arqasynda ıske asyp otyr. Älemde bolyp jatqan özgerısterge bailanysty jaŋaru, texnologiialyq damu, ruxani jaŋǧyru jäne taǧy basqa baǧdarlamalar qolǧa alyndy. Bes äleumettık bastama da qarapaiym xalyqtyŋ jaǧdaiyn jaqsartuǧa arnalǧan. Sebebı onyŋ ışınde arzan ipoteka, jataqxana salu, tabysy az adamdardy salyqtan bosatu, gazdandyru siiaqty maŋyzdy mäseleler bar.
"Osy uaqytqa deiın Qazaqstan älemge keŋınen tanyldy. Eldıŋ bırlıgı myqty bolǧandyqtan, memlekettıŋ abyroiy artyp keledı. Bolaşaqta osyny ūstanuymyz qajet. Sebebı eldıŋ bırlıgı, bır jūdyryq bolyp jūmyluy - bolaşaq tabystarymyzdyŋ közı bolyp sanalady", - dep atap körsettı Prezident.
inform.kz
