Qazaqstan tarihynda tūŋǧyş ret olimpiadalyq qūramanyŋ formasy qazaqşa "QAZAQSTAN" degen ataumen şyǧady, dep habarlaidy “Adyrna” ūlttyq portaly Olympic.kz saityna sılteme jasap.
Maŋyzdy elementtı halyqaralyq belgıden ūlttyq belgıge özgertu üşın Halyqaralyq Olimpiada komitetınen arnaiy rūqsat alyndy. Būl rette Qazaqstan HOK-tyŋ üş ärıptık kodtarynyŋ tızımınde KAZ belgısımen qala beredı. Öitkenı abbreviatura halyqaralyq standartqa säikes paidalanylady.
Qazaqstan ŪOK ana tılınde daiyndalǧan olimpiadalyq kiım-keşektıŋ maŋyzdy elementterınıŋ bırı atletterge senımdılık berıp, olar üşın otandastardy qoldaudyŋ simvolyna ainalatynyna senedı.
"Olimpiada oiyndary - eŋ aldymen üzdık atletter öz bairaǧymen şyǧatyn dostyq pen beibıtşılıktıŋ ülken festivalı. Būl tek sportşylar üşın ǧana emes, öz komandalaryn qoldaityn barlyq janküier üşın maŋyzdy oqiǧa. Olimpiada kezındegı kez – kelgen jabdyqqa basty nazar audarylady. Sondyqtan el atauynyŋ "QAZAQSTAN" dep jazyluy - ūlttyq qūramany jäne bükıl eldı älemdık qauymdastyq aldynda öte maŋyzdy qadam bolyp sanalady. Qazaq mädenietınıŋ ūlttyq elementterı forma dizainynda halyqtyŋ salt-dästürlerı men özındık erekşelıgın erekşe atap ötu üşın ärqaşan da maŋyzdy röl oinaityn. Bızdıŋ şeteldık ärıptesterımız jaŋa jazuǧa joǧary baǧa berdı. Bızdıŋ atletterge de formanyŋ jaŋa elementı ūnaitynyna senımdımız. Olimpiadaşylar - Qazaqstannyŋ şeteldegı maŋyzdy elşılerı. Sondyqtan bızdıŋ otandastarymyz bızdıŋ komandamyzǧa - öz komandasyna qoldau körsetedı dep ümıttenemız", - dep atap öttı elımızdıŋ Ūlttyq Olimpiadalyq komitetınde.Beijıŋdegı qysqy Olimpiada oiyndaryna sportşylar jaŋartylǧan formada attanady. Köp ūzamai barşa qazaqstandyq jaŋa formamen tanys bolady.
“Adyrna” ūlttyq portaly
