24 qańtardan bastap oqýshylar oflaın oqıtyn boldy

4386
Adyrna.kz Telegram
Koronavırýs ınfekııasynyń taralýyna jol bermeý jónindegi vedomstvoaralyq komıssııa 24 qańtardan bastap barlyq mektep oqýshylary oflaın formatta oqıtynyn aıtty dep habarlaıdy "Adyrna" ulttyq portaly.
Sonymen komıssııa sheshimimen mektepke deıingi uıymdar (balabaqshalar) balalardy ata-analarynyń ótinishi boıynsha qabyldaıdy. Al 600 balaǵa deıin oqýshysy bar jalpy bilim beretin mektepter tolyqqandy oflaın oqıdy. 600-den astam oqýshysy bar mektepterde oflaın oqytý kezinde oqýshylar sany 50%-dan aspaýy tıis. Bul jaǵdaıda mınıstrlik 1-4-synyp oqýshylaryn olardyń jas erekshelikterin eskere otyryp, dástúrli formatta oqytýdy usynady. Sebebi bastaýysh synyp balalaryna qashyqtan bilim alý qıynǵa soǵady.

5-11-synyp oqýshylary úshin mektep ákimshilikterine balalardy shtatty formatta oqytý, keıbir pánder boıynsha sabaqtardy qashyqtan oqytý formatyna aýystyrý týraly ata-analardyń ótinishin eskerý usynylady.

Al kolledjder men JOO-da oqý aralas formatta ótedi. Praktıkalyq, laboratorııalyq, semınar sabaǵy, óndiristik is-tájirıbe shtattyq rejımde, dárister onlaın formatta ótedi.

 

"Adyrna" ulttyq portaly

Pikirler