Mügedek balanyŋ äkesı memleketten päter alyp, otbasyn üiden quyp şyqty. Esıktıŋ qūlpyn auystyryp, jūbaiy men balalaryn körgısı kelmeitının aitqan. İrina Zavarzina osy baspana üşın jaldap tūru aqysyn töleuge mäjbürmın dep aşynady. Sebebı ol kelısımnıŋ kepılgerı bolyp qol qoiǧan, dep habarlaidy “Adyrna” ūlttyq portaly "Astana” arnasyna sılteme jasap.
Satyp alu qūqyǧy berılgen jaldamaly päterdı İrina Zavarzinanyŋ otbasy jeŋıldık sanaty boiynşa alǧan. Kenje qyzynyŋ mümkındıgı şekteulı edı. Auyr dertke şaldyqqan qyz otyryp, basyn tık ūstai almaityn. Alaida otbasy sol küiı qonys toiyn toilai almady. Otaǧasy äielı men ekı balasyn üiden quyp şyqqan.
"Men qūlypty auystyrdym. Kelmei-aq qoisaŋ bolady, sau bol", - dep habarlasty. - Päter menıkı, iesı men, - dedı. Qalai senıkı? - deimın. Ol päterge naşaqorlardy jinap, priton jasaǧan. Körşıler rastai alady. Ekınşı qalalyq sot kelısımdı būzu turaly talabymyzdy qabyldamady. Sebebı ajyrasu kelısımdı būzuǧa sebep emes", - deidı İrina Zavarzina.
Jalǧa alu turaly kelısım İrinanyŋ küieuı men Qazaqstandyq tūrǧyn-üi kompaniiasynyŋ arasynda jasalǧan. Qūjatta päterdıŋ "Nūrly jer" baǧdarlamasy arqyly "Mügedek balasy bar otbasyǧa" berılgenı anyq jazylǧan. İrina kepılger retınde qol qoiǧandyqtan, endı baspanaǧa kezekke tūru qūqyǧynynan aiyrylyp otyr.
"Päterdı bergen soŋ, olardy kezekten alyp tastadyq. Olar baspanamen qamtamasyz etıldı, öz mümkındıkterın qoldandy. Kelısımdı būzǧysy, küieuın alyp tastaǧysy kelse, Qazaqstan ipotekalyq kompaniiasyna jügınuı kerek. Teŋgerımdı ūstauşy solar", - deidı Oral qalalyq TÜKŞ baspana sektory men jekeşelendıru bölımınıŋ meŋgeruşısı Erlan Şaihiev.
Otbasyn üiden quǧan İrinanyŋ küieuı endı päter aqysyn tölemei jür. Demek qaryzdy öteu kepılgerdıŋ moinyna jükteledı. İrina türlı mekemelerdıŋ tabaldyryǧyn tozdyryp şarşaǧanyn aitady. Ol azdai, jaqynda qyzyn jer qoinyna tapsyrǧan. Ekı jyldyŋ ışınde "Qazaqstan tūrǧyn üi kompaniiasyna" bırneşe ret jügıngenımen, ol jaqtaǧylar tekserıstı tek telearnanyŋ sūranymynan keiın bastaǧan. Resmi jauapta otbasy men olardyŋ körşılerınıŋ tarapynan eşqandai şaǧym tüspegenı aitylǧan.
"Qazaqstan tūrǧyn üi kompaniiasy" AQ jalǧa aluşylardyŋ jeke ömırıne aralaspaidy. Jürgızılgen tekserıske säikes, biyl 18 qaŋtarda päterde sanitarlyq talaptardyŋ būzylǧany anyqtalǧan joq", - dep habarlandy kompaniiadan.
Al täuelsız zaŋgerlerdıŋ pıkırınşe, sot otaǧasy men tūrǧyn üi kompaniiasynyŋ arasyndaǧy kelısımdı jaramsyz dep tanuy kerek edı. Öitkenı ajyrasqan erkek özıne tiesılıden artyq şarşy metrde tūryp jatyr.
“Adyrna” ūlttyq portaly
