Sodyrlar äuejaidy qalai basyp alǧany turaly aqparat şyqty

21.01.2022

2486

https://adyrna.kz/content/uploads/2022/01/d6d8698c-7721-4aaa-8b48-e05ddbf7bc65.jpeg

Almaty halyqaralyq äuejaiynda qalypqa keltıru jūmystary jalǧasyp jatyr. Aumaqty älı de äskeri bölımşeler küzetedı, kıreberıske arnaiy tehnikalar qoiylǧan, - dep habarlaidy “Adyrna” ūlttyq portaly KTK arnasyna sılteme jasap.

Telearna mälımetınşe, ekı apta būryn qaruly laŋkester men qaraqşylar Almaty äuejaiy terminalyn basyp alyp, qiratty. Olar bankomattardy, sauda oryndary men kassalardy tonap, sonymen qatar qymbat kölıkterdı örtep, ǧimarattan jihazdar men jabdyqtardy alyp şyqqan.
Äuejai qyzmetkerlerınıŋ aituynşa, ǧimaratqa şabuyl 5 qaŋtarda keşkı saǧat segızder şamasynda bastalǧan. Qaruly topty alǧaşqylardyŋ bırı bolyp Keŋes Nūrambekov baiqaǧan. Sol künı ol reidke bırneşe saǧat qalǧanda auysymyn qabyldaǧan eken. Radio arqyly er adam jaǧdaidy dereu qauıpsızdık qyzmetıne habarlaǧan.
"Olardyŋ qolynda alystan qaraǧanda taiaqtar nemese temır, sonymen qatar polisiia qalqandary boldy. Al bastarynda arnaiy jasaq kaskalary boldy, ony sözsız anyq kördım. Olar sonda 10-15 minuttai jinaldy. Olarmen bailanys ornatu mümkın emes edı", - dep eske alady Almaty halyqaralyq äuejaiy terminalynyŋ auysym bastyǧy Keŋes Nūrambekov.
Şabuyl kezınde bırneşe ūşaq ūşuǧa daiyndalyp jatqan, onyŋ ışınde 200-den astam adam bolǧan. Lainerlerdı bırden qauıpsız jerge süirep aparǧan. Al dispetcherler Almaty äuejaiyna qonuǧa kele jatqan barlyq reistı kerı qaitara bastaǧan.
"Ūşqyştar bırden balama aerodromǧa qonu turaly şeşım qabyldady. Älı qonbaǧandary. Menıŋ qasymda ärıptesterım boldy, bıraq jūmysqa qaita oralǧanda jalǧyz qaldym. Keiın menı qorǧau üşın avtomattary bar ekı polisiia qyzmetkerın taǧaiyndady. Sonda qorqynyş seiıldı", - dedı "Almaty halyqaralyq äuejaiy" AQ jedel basqaru ortalyǧynyŋ dispetcherı Aida Qasymbaeva.
Osy uaqytta terminalda naǧyz dürbeleŋ bastalǧan. Jolauşylar jükterın tastap, şyǧuǧa qarai jügırgen.  Şarasyz adamdar tıke ūşyp-qonu jolaǧyna qarai şyǧyp ketken. Onda olardy äuejai qyzmetkerlerı jinap alyp, avtobuspen bos angarlarǧa apardy.
"Terminalda bolǧandardy evakuasiialadyq, şamamen 800-900 adam boldy. Qolymyzda bar kölıkter, barlyǧy jūmyldyryldy. Tıptı şaǧyn jük tasyǧyştarmen de evakuasiialadyq. Jastar bızge qarai jügırdı - men mūndai közderdı bırınşı ret kördım. Olar qandy, közderı qyzarǧan. Şynymdy aitsam, azdap qorqynyşty boldy", - dep moiyndady "Almaty halyqaralyq äuejaiy" AQ auysym bastyǧy Farhat Säbitov.
10 saǧatqa juyq jolauşylar men äuejai qyzmetkerlerı qaraqşylardan jasyrynǧan. Tek taŋerteŋ olardyŋ soŋynan äskeriler kelıp, jaǧdaidy baqylauǧa alyp, terminaldy laŋkesterden bosatqan. Qaqtyǧys saldarynan jolauşylar men qyzmetkerlerdıŋ eşqaisysy zardap şekken joq.

Negızgı soqqy terminalǧa tüsken. Bıraq şabuyl kezınde qymbat jabdyqtar men aeronavigasiialyq jüieler zaqymdanbaǧan. Sondai-aq äuejai qyzmetkerlerı bırde-bır äue lainerınıŋ ūrlanbaǧanyn nemese zaqymdanbaǧanyn aitty.

”Adyrna” ūlttyq portaly