QR Prezidentı Qasym-Jomart Toqaev elımızdegı bılım beru salasy qaita qaralatynyn mälımdedı, dep habarlaidy «Adyrna» tılşısı Zakon.kz-ke sılteme jasap.
«Men bızdıŋ eldegı bılım salasyn qaita formattan ötkızgım keledı. Bız ekonomist, zaŋger men menedjer mamandaryn köptep şyǧara bastadyq. Bıraq bızge qazır bılımdı tehnikalyq relske tüsıru kerek»,– dedı ol.Sonymen qatar, «Bolaşaq» baǧdarlamasyna özgerıs kerek ekenın atap öttı.
«Bız jas azamattardy oquǧa, onyŋ ışınde Reseige attandyratyn bolamyz. Bälkım, eŋ bırınşı kezekte Reseige, tehnikalyq joǧary oqu oryndaryna jıberu kerek şyǧar. Taiauda ǧana men älemnıŋ jetekşı elderınıŋ filialdaryn tehnikalyq mamandyqtar boiynşa aşudy tapsyrdym. Qazaqtar, jas qazaqtar eŋ aldymen tehnar boluy kerek. Būl – menıŋ tüpkı bailamym»,– dedı Prezident.Ol osy mäsele jönınde Ükımetke egjei-tegjeilı pysyqtaudy tapsyrdy. Sondai-aq, memleket basşysy käsıpkerlerge qarapaiym otbasynan şyqqan balalarǧa qoldau körsetudı ūsyndy.
«Eger ärbır qarjylyq önerkäsıptık top zamanaui zauyt ornatsa, auyldardan, qala maŋynan, ırı qalalardan kelgen 1000 qarapaiym balany oqytsa, olarǧa jaqsy jäne adal aqşa tabuǧa mümkındık berse, būl äleumettık tūraqtylyqtyŋ maŋyzdy kepılı bolar edı. Biznestıŋ bır jauapkerşılıgı boluy kerek. Būl üşın sızderde bärı bar: kapital, täjıribe, menedjerler toby, naryqtyŋ şynaiy körınısı»,– dep tüiındedı Toqaev.
«Adyrna» ūlttyq portaly
