Qyzylorda oblysynda köpbalaly analar men mügedek balalar mäselesın köterıp jürgen belsendını ekı aiǧa sotqa deiın qamauǧa alǧan dep habarlaidy "Adyrna" ūlttyq portaly.
Zarina Bibasarovanyŋ küieuı Nūrlan Matenov ol turaly bylai deidı:
"Men Qyzylorda qalasynyŋ tūrǧynymyn. Äielımdı 4, 5 qaŋtar künı mitingıge şyqty dep, 2 ai sotqa deiın qamauǧa aldy. 7 balamyz bar. 6-balam (5 jasar) jüregı auyrady, mügedektıgı bar. Kışkentaiym 7 ailyq emşek emedı. Oblystyq sot emşegınen süt aǧyp tūrǧanyna qaramai, äielımdı 7 balasynan aiyryp, qamap otyr".
Al ol turaly belsendı Jamila Qasymhan öz paraqşasynda bylai dep jazdy:
"Äkım orynbasary Ystyqbaev Talǧat "kel, aqyldasatyn şarua bar dep", 5 qaŋtar künı Zarina Bibasarovany äkımdıkke şaqyrǧan. Zarina Bibasarova köpbalaly analar men mügedek balalar mäselesın köterıp jürgen qalalyq belsendı. Äkımşılıkke kelgen kezınde ony qarauyl äkımşılık ǧimaratyna ötkızbeidı. Zarina özın şaqyrǧanyn aityp kırgızudı talap etedı. Solai tūrǧanda mitingışıler kelıp, qaqpany küştep aşyp kıredı.Zarina sodan keiın qaityp ketedı. Ketıp bara jatyp Ystyqbaev Talǧatqa tärtıpsızdık turaly telefonmen habarlasyp, şara qoldanu kerek ekenın aitady. Talǧat kelısedı.
8 qaŋtar künı keşke uchaskelık polisei, oper qyzmetkerlermen bırge Zarinany üiınen alyp ketedı. Tünde 5 saǧat tergeu jürgızedı. Küieuınıŋ aituynşa, tergeuşısı Raiymbek degen jas bala. Tergeuden keiın bosatyp jıberedı. Erteŋıne 9 qaŋtar künı şaqyryp alyp, protokolmen tanystyryp tergeu aldy 2 aiǧa qamaqqa alady. Emşegı syzdap, sütı aǧyp tūrǧanyna sot pen prokuror qaramaidy. Onyŋ üstıne Zarina qant diabetımen esepte tūrady. Qant mölşerı 23-25 bolyp köbeiıp ketken. Ülken qyzy da vaskulit degen diagnoz qoiylǧan, esepte tūrady. Osynyŋ bärın sot eskermegen.
Oblystyq sot alqasyna küieuı advokat kömegımen şaǧymdanǧan. Şaǧymy qanaǧattandyrylmaǧan".
Būdan keiın köpbalay anaǧa 2022 jylǧy 19 qaŋtarda Qyzylorda qalasynda Qyzylorda oblystyq soty qauly şyǧarǧan. Qyzylorda oblystyq sotynyŋ qylmystyq ıster jönındegı sot alqasynyŋ sudiasy S.Abdikanovtyŋ töraǧalyq etuımen, hatşy G.Narikbaeva bolyp, prokuror A.Esniiazovtyŋ, advokat G.Abdievanyŋ qatysularymen, beine bailanys jüiesı arqyly özınıŋ jabyq sot otyrysynda Qyzylorda qalasynyŋ mamandandyrylǧan tergeu sotynyŋ 2022 jylǧy 12 qaŋtardaǧy küdıktı P.C.Bibasarovaǧa qatysty "küzetpen ūstau" türındegı būltartpau şarasyn sanksiialau turaly qaulysyna advokat G.Abdievanyŋ keltırgen jekeşe şaǧymyn qarap, anyqtalǧan.
Osylaişa sot "küzetpen ūstau" türındegı būltartpau şarasyn 2 (ekı) ai merzımge, iaǧni, 2022 jyldyŋ qaŋtar aiynyŋ 10 künı 16 caǧat 56 minutynan bastap nauryz aiynyŋ 10 künı 16 caǧat 56 minutyna deiın bergen.
"Adyrna" ūlttyq portaly.
