Prezıdent eki sóziniń birinde reforma, reforma dep jatyr. Biraq ony jasaıtyn myna Úkimette saıası jigeri kúshti reformatorlar bar ma? Máselen, Úkimet basy Álıhan Smaıylov reforma jasaıdy degenge kim senedi? Buǵan deıingi qyzmetteriniń birinde ol el statıstıkasymen aınalysypty. Iaǵnı elge ótirik taratýdyń basy-qasynda bolyp, jalǵan sóıleýge ábden shyńdalǵan sheneýniktiń naq ózi. Erteń bul Úkimbasy qushaq-qushaq ótiriktermen taǵy da aýzymyzdy urmasyna kim kepil?
Samuryq-qazynany reformalaý da mıǵa sımaıdy. Bul mekeme eldi súlikteı sorǵan elimizdegi eń iri jemqorlar ordasy ekeni bárimizge maǵlum. Muny Prezıdenttiń ýaqyt sozbaı taratqany abzal. Qazir oblystardyń bıýdjetine óz aýmaǵyndaǵy óndiris oryndarynan kók tıyn qarjy túspeıtini belgili. Óıtkeni barlyǵyn Samuryq-qazyna sypyryp, sıyryp alyp qoıady. Samuryq-qazynaǵa qarjynyń kirgen izi bar da, shyqqan izi joq, aıdahar tárizdi qylǵyp juta beretin bir jutqyn pále. Sondyqtan Samuryq-qazynany el ekonomıkasyna tıimsiz qurylym retinde túp ornymen typ-tıpyl joıyp, oblystardy baıaǵydaı óz bıýdjetine ıe qylǵan jón.
Sosyn naǵyz reforma jasaıtyn organ – polıııa. Muny túbegeıli jańartý kerek.
Qańtar dúrbeleńinde polıııanyń NKVD-lik ınstıngi oıanǵanyn kórdik. Qannyń ısin sezgende qutyryp ketetin ash qasqyrlar sııaqty myna kúnderi halyqqa aıýandyqtyń nebir túrin kórsetip jatqan mundaı polıııanyń barynan – joǵy. Mundaı polıııamen keleshekte quqyqtyq memleket qura almaımyz.
Negizi kúshtik qurylymdardyń barlyǵyn – UQK-nen bastap batyl reformalaý kerek. Jalǵyz kúshtik qurylymdarǵa ǵana emes, jalpy memlekettik reforma qajet. Ol úshin qazaqqa Ata Túrik sııaqty uly reformator kerek. Endeshe, bul kúnde qazaqta reformator bola alatyn tulǵa bar ma? Bolsa – kimdi kórip tursyzdar?
"Adyrna" ulttyq portaly.
