Egov.press saitynda oramal taǧuǧa rūqsat etudı sūraǧan petisiia paida boldy. Bır kün būryn paida bolǧan petisiiaǧa 20250 adam qol qoiyp ülgerıptı, dep habarlaidy «Adyrna» tılşısı kznews.kz-ke sılteme jasap.
«Qazaqstan Respublikasynyŋ azamaty, salyq töleuşı, mūsylman retınde Konstitusiiamyzdyŋ kepılı, jaŋaşyl, bükıl Qazaqstan halqynyŋ ümıtı Qasym-Jomart Kemelūly Toqaevqa ötınış bıldıremın! Qazaq halqynyŋ tūrmysyn jaqsartu jolyndaǧy barlyq bastamalaryŋyzdy tüsınıp, qoldai otyryp, barşa Qazaqstan mūsylmandaryn alaŋdatyp otyrǧan bır ötınışım, atap aitqanda, mektepterde jäne basqa da memlekettık mekemelerde oquşylardyŋ oramal taǧu mäselesı. Qazaqstan Respublikasynyŋ zaŋdaryn saqtai otyryp, imandy äielderdıŋ oramal taǧuyn maqūldaǧan jäne qyz balanyŋ tärbiesın ata-anasyna jüktegen Ūly Jaratuşynyŋ zaŋdaryn kedergısız saqtaǧymyz keledı. Adamnyŋ qazynasyn beitanys közden jasyru ädetı bar siiaqty, mūsylmanǧa da äuretın jat közden jasyru uäjıp. Konstitusiiamyzdyŋ 14-babynyŋ 2-tarmaǧy, 19-babynyŋ 1-tarmaǧy, 27-babynyŋ 2-tarmaǧyna säikes, sondai-aq Qazaqstan Respublikasynyŋ «Dıni qyzmet turaly» Zaŋynyŋ 3-babynyŋ 5.6-tarmaǧyna säikes normalardy qarastyra otyryp, zaiyrly qoǧam talaptaryn būzbaityn äurettı jerdı jauyp tūratyn jıni ormala taǧy tärtıbın bekıtuıŋızdı sūraimyn. İgı ısterıŋızdı Alla Taǧala jarylqap, küş-quat, sabyr jäne densaulyq bersın. Halyq özıŋızben bırge»,– delıngen petisiia mätınınde.
«Adyrna» ūlttyq portaly
