Jaŋaözende bastalyp, jalpy eldı qamtyǧan ereuılde köşege şyqqan halyq beibıt şeruge el qamy üşın şyqty. Keiın Almatydan bastap, köp qalalarda beibıt şeruşılerge kümändı toptar qosylyp ketıp, arty qandy bülıkke ainaldy.
Al endı ereuılge şyqqandary üşın ǧana jastarymyz jazyqsyz tūtqyndalyp, soqqyǧa jyǧylyp, azaptalyp jatqandary turaly köptegen naqty mälımetter men videolar kelude. Äleumettık jelılerde de jiı jazyluda. Arasynda osyndai türmede azaptaulardan ölıp ketkender turaly da aqparattar bar!
Ötkende jazǧanymyzdai, bızdıŋ “şaş al dese, bas alatyn” poliseiler ereuılşılerdı zaŋ būzbauǧa şaqyrǧan zaŋger, ädıldık üşın küresken äigılı sot ısterımen belgılı advokat Abzal Qūspannyŋ özın de bes kün otyrǧyzyp qoiǧasyn, qarapaiym halyqty qalaǧanynşa türmege toǧytqany anyq bolyp tūr…
Tıptı, olardyŋ ışınde mitingıge qatyspai-aq, auruhanada öz jaraqatymen jatqandardy tūtqyndap alyp ketıp, türmede azaptau qandai zaŋǧa, qandai adamdyqqa jatady?
Mysaly, bızge kelgen video-mälımette şalǧaidaǧy Şardaradan Almatyǧa jūmys ızdep baryp, üi jöndeumen ainalysyp jürgen Sündet Toǧaibaiūly Türıkpenbai
5-ı künı tüsten keiın Töle bi -Baitūrsynūly köşelerındegı poliklinikada därıgerge qaralyp, analizderın alyp, üiıne bara jatqanda aiaǧyna oq tiedı. Qansyrap jatqan ol #12 auruhanaǧa jetkızılıledı. Ony osynda emdelıp jatqan jerınen 8-şı qaŋtar künı türmege alyp ketken. “Alaŋda boldym” dep moiynda” dep, ūryp-soqqan. “Eşqandai mitingıge qatyspaǧan, auruhanada jatqan menıŋ balam SİZO-18 türmesınde nege jatyr?”-dep, köz jasyn köl etıp eŋırep, qaita-qaita talyp qalyp jatqan anasynyŋ videosyn körgende şydap tūra alu mümkın emes! Äke-şeşesı jalǧyz siyryn satyp advokat jaldap Almatyda jür endı…
Qan ışkender qūtylyp, qarap jürgender tūtylmauy tiıs! Tek qylmys jasaǧandar ǧana jazasyn aluy qajet!
Naǧyz sodyrlarǧa tosqauyl qoiu qoldarynan kelmegen qūqyq qorǧau organdary endı jazyqsyz jastarǧa oilaryna kelgenın jasap jatqany janymyzdy auyrtuda.
Köşede köldeneŋ sodyrlardyŋ soiylyn jep, qaŋǧyǧan oqtan jaraqattanǧan jazyqsyz jandar endı polisiiada da soqqylar jeuın şūǧyl toqtatu tiıs!
Ereuıl künderı köşelerde bolǧan qandy qyrǧyn endı türmelerge auysqany ne masqara!
Qylmysty jasaǧan poliseiler qataŋ jazalaryn aluy kerek!
Būlardyŋ bärı eldıŋ qatty aşu-yzasyn tuǧyzuda! Būndai qylmystar naǧyz arandatu, memleketke, Prezidenttıŋ saiasatyna qarsy qasaqana jasalyp jatqan qareketter dep qabyldaimyz!
Öitkenı, el QR Prezidentı Qasym-Jomart Toqaevtyŋ ereuılge şyqqandarǧa jala jabylyp, jazyqsyz jazalanbauyn, ärbır ıstıŋ ädıl qaraluyn, tıptı aitarlyqtai qylmysy joqtardyŋ jazalaryn jeŋıldetu kerek degen talabyna qarama-qarsy jasalyp jatqan qareketterge kuä boluda.
Ereuılden keiın elde bolyp jatqan mūndai adam qūqyn aiaqqa taptau faktılerın Bas prokuraturanyŋ özı de rastap otyr.
“Qazaq ünı” ūlttyq portalynda jariialanǧan QR Bas prokuraturasy bırınşı qyzmet basşysynyŋ orynbasary Eldos Qilymjanovtyŋ baspasöz mäslihatynda bergen mälımetı boiynşa äzırge 91 şaǧym tüsken. Kei jaǧdailarda azamattardyŋ qūqyǧy būzylǧany rastalǧan. 12 qaŋtarda Almatyda zaŋsyz qamauda otyrǧan 24 qala tūrǧyny bosatylǧan.
Ūstalǧandarǧa qatysty adam ölımı, azaptau, bilıgın asyra paidalanu derekterımen qylmystyq ıster tergelu üstınde. Respublika boiynşa osyndai 16 qylmystyq ıs bastalǧan.
Būndai bassyzdyqqa Bas prokuraturadan bastap memlekettık qadaǧalaumen bırge qoǧamdyq baqylaular ornatu kerek! Būl baǧytta Abzal Qūspan bastaǧan advokattar komissiiasyn jäne qoǧamdyq baqylaulardy qoldauymyz qajet!Halyqtyq baqylau ǧana zaŋsyzdyqtyŋ jolyn kesedı.
Parlamentte de komissiia qūrylyp, adam qūqy būzyluy qataŋ baqylauǧa alynuy tiıs!
"Adyrna" ūlttyq portaly.
