Mäjılıs deputaty Elnūr Beisenbaev palatanyŋ jalpy otyrysynda Ūlttyq statistika biurosynyŋ jalǧan mälımet taratatynyn aitty, dep habarlaidy «Adyrna» tılşısı.
«Ükımettıŋ şeşım qabyldaudaǧy kemşılıkterınıŋ bırı – jalǧan jäne däl emes statistikany qoldanu. Statister tamyz-qyrküiek ailarynda kartoptyŋ üş ese qymbattaǧany turaly estımegen siiaqty. Al keibır qūrylys materialdary 2,5 ese qymbattady jäne olardyŋ baǧasy osy künge deiın sol deŋgeide qaldy. Sonymen bırge, sauda ministrlıgı baǧanyŋ jalpy ösuı 12% - dan aspaǧanyn aitty. Būl derekterdıŋ eşqaisysyn Ūlttyq statistika biurosy joqqa şyǧarǧan joq»,– dedı ol.Deputat jalaqy mäselesı boiynşa da osyndai jaǧdai bar ekenın atap öttı. Mäselen, Ūlttyq statistika biurosy eldegı ortaşa jalaqy 257 myŋ teŋgenı, al halyqtyŋ jan basyna şaqqandaǧy atauly tabysy şamamen 131 myŋ teŋgenı qūraidy dep habarlaǧan. Beisenbaevtyŋ aituynşa, qarapaiym azamattardy aitpaǧanda, statistterdıŋ özderı būl sandarǧa senbeidı. Resmi derekter boiynşa, 2021 jyly Qazaqstandaǧy jūmyssyzdar sany 4,9%-dy, iaǧni şamamen 451 myŋ adamdy qūraǧan.
«2021 jyldyŋ qaraşa aiynda bız eldegı jūmyssyzdar sany äldeqaida joǧary ekenın, al jastar arasyndaǧy jūmyssyzdyq deŋgeiı oidan şyǧarylǧan körsetkıştermen jasyrylǧanyn atap öttık. Sol jyldyŋ basynda Koreiada zaŋsyz jūmys ısteitın 12 myŋ qazaqstandyq turaly aittyq. Ükımet tarapynan «bız eskeremız, köremız, jasaimyz» degen sözder ǧana aityldy», - dedı ol.
«Adyrna» ūlttyq portaly
