Käsıpker Mūhamed Izbastin "Qazaqstan halqyna” qoǧamdyq qoryna 100 million teŋge audardy, dep habarlady “Adyrna” ūlttyq portaly Stan.kz saityna sılteme jasap.
Barlyǧy 2022 jyldyŋ 16 qaŋtary men 25 qaŋtary aralyǧynda qoǧamdyq qorǧa 130 zaŋdy tūlǧalar men ırı käsıpkerlerden 42,1 milliard teŋge audaryldy.
Mūhamed Izbastinnıŋ äkesı – Qazaqstannyŋ Bolgariiadaǧy Tötenşe jäne Ökılettı Elşısı Temırtai Izbastin, anasy – Qarlyǧa Izbastin, el prezidentı Qasym-Jomart Toqaevtyŋ äpkesı.
Mūhamed Izbastin de qaŋtardyŋ ortasynda "Bäiterek" ūlttyq holdingı basqarma töraǧasynyŋ bırınşı orynbasary qyzmetınen öz erkımen ketken Qanyş Izbastinnıŋ aǧasy.
"Qazaqstan halqy" qory Qasym-Jomart Toqaevtyŋ bastamasymen qūryldy.
Būǧan deiın prezident qor jūmysy "aşyq bolatynyn" aitqan.
"Barlyq ırı kompaniialar memleket belgılegen salyq salynatyn kırıstıŋ paiyzyn paidaly qaiyrymdylyq qyzmetpen ainalysatyn qorǧa audarady. Biznes-qauymdastyq būl bastamany şyn jürekten qoldaidy, sondai-aq qordy jüzege asyruǧa kömektesedı dep senemın", - dedı Toqaev.
Qarjy densaulyq saqtau, äleumettık sala, bılım, mädeniet jäne sport mäselelerın şeşuge jūmsalady. Qor jetım jäne basqa da dertke şaldyqqan balalarǧa, halyqtyŋ äleumettık osal toptarynyŋ mūqtajdaryna, qaza tapqan jauyngerlerdıŋ otbasylaryna, qūqyq qorǧau jäne arnaiy organdarǧa, sondai-aq basqa da qaiyrymdylyq maqsattarǧa qoldau körsetetın bolady.
“Adyrna” ūlttyq portaly
