Byltyr Shymkent qalasynyń bilim salasy boıynsha qabyldanǵan oń sheshimderdiń biri - bastaýysh synyptarǵa memleket esebinen tegin tamaq berý sheshimi boldy. Bul týraly Shyńǵys Muqan óz paraqshasynda jarııalady.
Qala ákimi Murat Áıtenovtiń usynysymen, Máslıhat depýtattarynyń qoldaýymen, jeltoqsan aıynda bıyldan bastap 1-4 synyp oqýshylaryn júz paıyz ystyq tamaqpen qamtý týraly sheshim qabyldanǵan bolatyn.
Shymkent qalasy ákiminiń Qaýlysyna sáıkes, oqý jylynyń úshinshi toqsanynan bastap megapolıs mektepterinde bastaýysh synyp oqýshylaryna tegin ystyq tamaq berilý bastaldy. Osyǵan deıin tegin bir mezgil ystyq tamaq tek áleýmettik jaǵdaıyna qaraı berilgen bolsa, endi memlekettik jáne jekemenshik mektepterdiń 1-4 synyp oqýshylary júz paıyz ystyq tamaq ishýge múmkindigi bar.
Búginde qalada memlekettik mektepterde - 88 657, jekemenshik mektepterde 12 500 bastaýysh synyp oqýshysyna tegin tamaq berilýde. Oǵan qosa 28 367 az qamtylǵan oqýshylar da tegin tamaqtanýda.
”Adyrna” ulttyq portaly
