Aqordada Memleket basşysynyŋ töraǧalyǧymen Qauıpsızdık Keŋesınıŋ otyrysy öttı. Onda Qauıpsızdık Keŋesınıŋ Töraǧasy Qasym-Jomart Toqaev qazırgı uaqytta eldegı ahual tolyǧymen tūraqtalǧanyn jäne qūqyqtyq tärtıp qaita qalpyna kelgenın atap öttı, dep habarlaidy "Adyrna" ūlttyq portaly "akorda.kz"-ke sılteme jasap.
Tūlǧalardyŋ, qoǧam men memlekettıŋ qorǧalu deŋgeiın arttyru üşın barlyq şara qabyldanyp jatyr.
Prezident barlyq memlekettık organdar ötken oqiǧadan sabaq aluǧa tiıs ekenın aitty. Jaŋǧyrtylǧan ūlttyq qauıpsızdık jüiesı syn-qaterdıŋ kez kelgen qiyndyǧyna tötep beruge daiyn boluy qajet.
– Būdan bylai qylmystyq toptar men terrorister qalalarymyzdy basyp alyp, azamattar men olardyŋ otbasylarynyŋ beibıt ömırıne qol sūǧyp, memlekettılıgımızge qauıp töndırmeuı üşın şaralar qabyldauǧa mındettımız. Ūlttyq qauıpsızdık jüiesın qaita qūru ısınıŋ maqsaty da osy, – dedı Qasym-Jomart Toqaev.Qauıpsızdık Keŋesınıŋ basşysy qauıpsızdıkke jauap beretın barlyq qūrylymnyŋ öz jūmystaryn özgertuı kerek ekenın atap öttı. Būl rette, olardyŋ özara ıs-qimyldary barynşa teŋgerımdı boluǧa tiıs. Memleket basşysy ūlttyq qauıpsızdıktıŋ barlyq baǧytyn nyǧaitu jönındegı naqty şaralardy keşıktırmei jüzege asyruǧa kırısudı tapsyrdy. Qauıpsızdık Keŋesı otyrysynyŋ barysynda ūlttyq qauıpsızdık jüiesın reformalauǧa baǧyttalǧan naqty şeşımder qabyldandy.
"Adyrna" ūlttyq portaly.
