Qazır Almaty äkımdıgınıŋ syrtyn jauyp qoidy. Jöndeu jūmystary jürıp jatqan siiaqty. Qatelespesem äkımdık ǧimaratynyŋ özıne kelgen şyǧyn kölemı 21 mlrd teŋge siiaqty. Naqty esımde joq. Endı qūrylys jūmystary qarqyndy bolady, küigenın qyrady, jaramaitynyn auystyrady degendei.
Bıraq qarap tūrsam (özımnıŋ taza şala-şikı oiym ǧoi), äkımdıktı tura sol jerge qaita saludyŋ keregı joq siiaqty. Bırınşıden 1986 jyly da, 2022 jyly da bıraz jastyŋ qany tögılgen alaŋ jatyr. Aurasy öte auyr. Būryn da äkımdık ışıne kırgende sūp-sūr bolyp tūratyn, endı tıptı auyr aura bolatyn siiaqty.
Ekınşıden äkımdıktı basqa bır audanǧa qoiyp tastasa, mysaly Alatau audanynyŋ bır şetıne, "Şaŋyraq" degen syndy jaqqa nemese Nauryzbai audanynyŋ bır şetıne degendei. Auyldan qalaǧa kelgen jastardyŋ jäne urbanizasiianyŋ eŋ ırı jürıp jatqan oşaqtary sol jaqtar. Ony ia qalalyq äkımdık naqty bılmeidı (bılse de öz közımen dūrys körmeidı), ia audandyq äkımdıkter naqty jetkızbeidı. Eger sol audandardyŋ bırınde qalalyq äkımdık tūrsa, bıraz özgerıs bolady. Bazarda uaqytşa jūmys ısteitın, küzetşı bolyp jürgen, arba süiretıp, jaqsy ömırden ümıt üzgen, baspanasyz päter jaldaityn, jūmyssyz jüretın jastardyŋ ortasyna tüsken sätte ǧana mäseleler aqyryndap şeşıle bastaidy. Qalanyŋ qaq ortasynda otyryp, elitalyq audanda tūrǧan ǧimarattan söz söileuge qaraǧanda damuy baiau audanda "halyqtyŋ mäselesın şeşemız" dep söz söilep tūru halyqqa ötımdırek (mümkın qatelesermın). Jol, auyz su, jaryqtandyru jäne basqa da mäseleler şeşıle bastaidy ma degen oi ǧoi.
Mysaly Europada (jalpy damyǧan elderde), artta qalǧan audan-auyl-qalaǧa bır maŋyzdy ǧimaratty qoiady. Ol ne universitet (Qaskeleŋde SDU tūrǧan siiaqty), ne äkımdık, ne basqa bırdeŋe boluy mümkın. Sol ǧimarat sol audannyŋ damytuşy draiverıne ainalady. Aqyryndap örkeniet, mädeniet, materialdyq igılıkter kele bastaidy. Negızı 21 mlrdqa su jaŋa ǧimarat ta saluǧa bolady ǧoi...
"Adyrna" ūlttyq portaly.
