27 qaŋtarda keşkı uaqytta qyrǧyz-täjık şekarasyndaǧy jaǧdai kürt naşarlady, - dep habarlaidy “Adyrna” ūlttyq portaly Tengrinews.kz saityna sılteme jasap.
Qyrǧyzstan ŪQK Şekara qyzmetınıŋ mälımetınşe, beisenbıde saǧat 17:30 - dan 18:00-ge deiın Täjıkstan şekaraşylary Batken audany Tört-Kocho eldı mekenındegı Batken-İsfan avtojolynyŋ bölıgındegı jol uchaskesın bırjaqty tärtıppen jauyp tastaǧan.
"Qyrǧyz Respublikasy men Täjıkstan şekara ökılderı arasynda jürgızılgen kelıssözderdıŋ qorytyndysy boiynşa jol uchaskesı qaita aşyldy. Alaida, saǧat 19:35-te Täjıkstan tarapy Batken audanynyŋ Chyr-Dobo eldı mekenındegı şekara bölımşelerı boiynşa qaru qoldanuǧa bailanysty jaǧdai naşarlady", - dep habarlady ŪQK baspasöz qyzmetı.
Qyrǧyzstan men Täjıkstan şekara äskerlerınıŋ bölımşelerı arasyndaǧy negızgı atys Tört-Kocho jäne Chyr-Dobo eldı mekenderınde ötıp jatqany aitylady. "Täjık tarapy minometter men granatometterdı paidalanyp jatyr", - dep atap öttı vedomstvodaǧylar.
Turmush mälımetterı boiynşa, qyrǧyz-täjık şekarasyndaǧy qaqtyǧys aimaǧynan tūrǧyndardy evakuasiialau bastalǧan. Şekara maŋyndaǧy tūrǧyndardyŋ bırınşı toby prezidenttıŋ Batken oblysyndaǧy ökılettı ökıldıgınıŋ ǧimaratyna jetkızılgen. Jergılıktı bilık evakuasiialanǧan adamdarǧa üi-jailardy daiyndap jatyr.
https://youtu.be/am8MJJAIzLw“Adyrna” ūlttyq portaly
