Elımızde onlain kazinolar köbeiıp kettı. Şyǧynǧa şaş etekten batyratyn qūmar oiyndardy nasihattaityn saittardyn sanyna alaŋdaǧan qoǧam belsendılerı olardy şekteu kerek dep sanaidy. Olardyŋ aituynşa, mäsele bügıngı qoǧamda öte özektı bolyp tūr. Tıptı jyl saiyn elımızde 350 myŋ adam qūmar oiyndarynyŋ qūrbanyna ainalatyn körınedı. Būl jaiynda “Adyrna” ūlttyq portaly Astana arnasyna sılteme jasap habarlaidy.
Nūr-Sūltan qalasynyŋ tūrǧyny Nūrislam bır kezde qūmar oiynnyŋ soŋynan ketıp, qolyndaǧy barynan airylǧandardyŋ bırı. Mūnyŋ aiyqpas dert ekenın bılgen ol basqa qalaǧa qonys ta audarǧan. Ondaǧy oiy oiynqūmarlyqtan aruly bolǧan edı deidı özı. Alaida būl dertten aiyǧu özı oilaǧandai oŋai bolyp şyqpaǧan. Tıptı qaryzǧa belşeden batqan künderı bolǧanyn aityp, eske alady.
"Bastapqyda qyzuǧyşylyq boldy, barlyǧy oinaidy, maǧan da bolady ǧoi degen siiaqty. Üiden azdap aqşa ūrlai bastadym, qaryz köbeie bastady. Barlyǧyn ūtylǧannan keiın, basqa qalaǧa qaşyp kettım. Otbasy qūndylyqtarynan aiyryldym, ömırge degen közqaras özgerdı, bala-şaǧa, ata-anamen söilesude qyzyq bolmai qaldy", - deidı elordalyq Nūrislam Älıpbaiūly.
Ol būl aurudyŋ naşaqorlyqtan aiyrmaşylyǧy şamaly ekenın aitady. Degenmen maqsatynan bas tartpaǧan Nūrislam, bügınde boiyndaǧy derttı jeŋıp, qazır özı siiaqty oiynqūmarlyqtan arylǧysy keletınderge kömek körsetıp jür.
Psiholog mamannyŋ aituynşa, qūmarlyqtyŋ şegı bolmaidy. Adam sanaly türde özın tejemeiınşe, toqtamy joq deidı. Al, qūmarlyqtyŋ eŋ qauıptısı būl - jeŋıs dep otyr. Aqşa tabudyŋ oŋai jolyn ızdegender desek qateleskenımız, olar tek jannyŋ rahaty üşın oinaityndar dep sanaidy ol.
"Azartta eŋ qauıptısı, eŋ jamany bäste jeŋu. Bır ret jeŋgen adam, 100 ret jeŋılgen adam men bärıbır tübınde jeŋemın jalǧan ümıtpen oinai beredı. Aqşa tabudyŋ jolymen baratyndar sirek, köbıne aqşasy barlar barady. Mysaly, kazinoǧa barǧanda qaltaŋyzda 2000-5000 myŋ dollar bolmasa kırgızbeidı kazinoǧa", - dep tüsındıredı otbasylyq psiholog Erjan Myrzabaev.
Bügınde onlain kazinolardyŋ qūrbany eselenude. Qoǧam belsendısı qairat Qūdaibergen osyǧan alaŋdauly. Ol qūmar oiyndarǧa tübegeilı şekteu qoiudy talap etedı. Mäselenı äleumettık jelıde köterıp, onlain kazino, bingo siiaqty saittyq platformalardyŋ jūmysyn synady.
"Oiynqūmarlyq, igromaniia janūia institutynda qūrtady. Qanşama adamdar ajyrasyp jatyr. Qanşama adamdar qazır qaryzǧa batyp, bıreudıŋ ömırımen oinap jatqan oiynqūmarlardyŋ kazinolardyŋ, bingolardyŋ qaltasyn toltyryp jatyr. Bız bukmekerler, onlain kazino, jäne bingo degen siiatqtylardyŋ közın qūrtu kerekpız", - deidı qoǧam belsındısı Qairat Qūdaibergen.
“Adyrna” ūlttyq portaly
