«Halyq» Qaiyrymdylyq qory «Qazaqstan halqyna» qoryna 10 mlrd teŋge audardy, dep habarlaidy «Adyrna» tılşısı qordyŋ baspasöz qyzmetıne sılteme jasap.
Qosymşa qarjylandyru «Halyq» qorynyŋ qūryltaişylary Timur men Dinara Qūlybaevtardyŋ jarnalarynyŋ arqasynda mümkın boldy. Olardyŋ tūraqty qoldauynyŋ arqasynda «Halyq» qory Qazaqstan halqyna jüielı kömek körsetedı: tek 2020-2021 jj. aralyǧynda Qor 18 milliard teŋgeden astam somaǧa qaiyrymdylyq baǧdarlamalaryn jüzege asyrdy. Onyŋ ışınde pandemiia kezınde halyqqa kömek körsetu, medisinalyq qūral-jabdyqtar men därı-därmektermen qamtamasyz etu, eŋ mūqtaj tūrǧyndarǧa azyq-tülık sebetterın taratu, balalar men jastarǧa sapaly bılım berudı damytu baǧdarlamalary jäne basqa da qaiyrymdylyq baǧdarlamalaryn jüzege asyrdy.
2022 jyldyŋ qaŋtar aiynda Qūlybaevtar otbasy äleumettık mäselelerdı şeşu üşın Halyk Bank pen «Halyq» qaiyrymdylyq qory arqyly «Qazaqstan halqyna» qoryna alǧaşqylardyŋ bırı bolyp 5 milliard teŋge audardy.
«Memleket basşysy Qazaqstannyŋ ärbır azamatynyŋ jaqsy tūrarlyq ömır süru jaǧdaiyn qamtamasyz etu üşın Ükımettıŋ, qaiyrymdylyq ūiymdary men mesenattardyŋ küş-jıgerın bırıktıruge baǧyttalǧan maŋyzdy bastamasyn köterdı. Bız elımızdıŋ örkendeuıne baǧyttalǧan Prezident Qasym-Jomart Toqaevtyŋ bastamalaryn qoldaudy jalǧastyruǧa daiynbyz», – deidı «Halyq» QQ Qamqorşylyq keŋesınıŋ töraiymy Dinara Qūlybaeva.
«Adyrna» ūlttyq portaly
