Halqymyz älı qaiyrşynyŋ küiın keşıp keledı

Otyz jyl boiy maqtanyp keldık. «Türkımennen, özbekten ozyp kettık, TMD elderınen asyp tüstık, Şyǧys Europa memleketterımen qatarlasyp qaldyq, ozyq otyz eldıŋ qataryna qosyldyq» dep resmi habarlap ta jıberdık. Qaida qosylǧanymyz?! Halqymyz älı qaiyrşynyŋ küiın keşıp keledı. Keşe mitingıge «būzaqy», «oŋbaǧan» jastar şyqty dedı. Bıraq olar nege şyqty? Olar äbden aşynǧannan şyqty. Kedeilıktıŋ şyŋyna jetıp şyqty. Ne jūmys joq, ne alatyn jalaqysy az. 50-60 myŋ teŋgege qalai kün köredı? Äldeqandai etıp tömengı jalaqyny 42 500 teŋgeden 60 myŋǧa köterdık dep jariia ettı. Ainalaiyndar, 60 myŋ teŋgemen kım ömır süredı?! Ötkende ekı balasy bar, küieuı joq köşe sypyruşy äiel telearnadan söilep jatyr. Qara nan men qara sudy talǧajau etıp otyrǧanyn aitty. 60 myŋ teŋgemen ekı balany qalai asyraidy? Erteŋ küiınıp, ekı balasyn terezeden laqtyryp jıbermeitınıne kım kepıl? Būǧan deiın üş balasyn 9 qabattan laqtyryp, artynan özı de sekırgen äieldıŋ ölımı bükıl qazaqqa qan jūtqyzdy. Sol otbasy 15 myŋ teŋge kredit alyp, qiyndyqqa tap bolǧan. Öz halqymyzǧa qalai janymyz aşymaidy? Osydan üş jyl būryn joqşylyqtyŋ saldarynan bes bala örtenıp kettı. Osynyŋ bärıne sebep – joqşylyq. Joqşylyq jūrttyŋ şyŋyna jettı. Bai baiyǧan saiyn, kedei kedeilenıp jatyr. Sol sebepten de halyq aşyndy. Aşynǧan adam eşteŋeden taiynbaidy. «Mä, saǧan» deidı de, üiıŋdı de būzady, kölıktı de örteidı, dükendı de tonaidy. Keŋes ükımetı kezınde üş bala tuǧan anaǧa perzenthana üiınen şyǧarda üş bölmelı päterdıŋ orderın beretın. Qazır 3 bala tūrmaq, 10 bala tusa da eşkımnıŋ şaruasy joq. Ana men balaǧa nemqūraily bop kettık. Änşeiınde Resei nasybai iıskese, bız tüşkıremız. Solardyŋ bükıl reformasyn qaitalaimyz. Ūltqa kerek emes jaǧyn alamyz. Bıraq Putinnıŋ analarǧa jasap jatqan jaqsylyǧyn «Ana kapitalyn» qabyldaǧymyz kelmeidı. 60 myŋ teŋgenı äldeqandai qylyp jatyrmyz. Al olar jaŋa tuǧan närestege 250 myŋ rubl järdemaqy töleidı. Özbek halqy siiaqty ūltqa jany aşityn basşy kelmedı. Olar demografiiaǧa sonau jyldary-aq köŋıl böldı. Al bızdıŋ mūnymen şaruamyz sol kezde de bolǧan joq, täuelsızdıkten keiın de bolǧan emes. Qaita bilık qazaqtyŋ köbeiuıne qarsy boldy.