28 qaŋtarda Maŋǧystau oblysynyŋ äkımı Nūrlan Noǧaev Jaŋaözen qalasynyŋ bır top belsendı azamatymen kezdesıp, tūrǧyndardy tolǧandyrǧan bırqatar äleumettık mäselelerdı talqylady, dep habarlaidy «Adyrna» tılşısı oblys äkımınıŋ baspasöz qyzmetıne sılteme jasap.
Tūrǧyndar qaladaǧy auyz su, jūmyssyzdyq, azyq-tülık baǧasy jäne t.b. äleumettık mäselelerdı şeşudı sūrady.
Jiyn barysynda oblys äkımı Memleket basşysy Qasym-Jomart Toqaevtyŋ tapsyrmasymen Ükımet 2025 jylǧa deiıngı Maŋǧystau oblysynyŋ äleumettık-ekonomikalyq damuynyŋ keşendı josparyn bekıtkenın atap öttı.
- Bes jylǧa josparlanǧan joba aiasynda oblysqa 2,1 trln teŋge tartylady. Keşendı jospar aiasynda injenerlık jelıler, infraqūrylym, auyz su öndıretın zauyttar, zamanaui mektepter men sport keşenderın saluǧa baǧyttalǧan barlyǧy 226 joba ıske asady. Būl jūmystar Jaŋaözen qalasyn da jüzege asyrylatyn bolady,- dedı Nūrlan Noǧaev.Oblys äkımınıŋ aituynşa Jaŋaözen qalasyndaǧy bılım men densaulyq salasynda da tyŋ jobalar ıske asyrylady dep kütılude.
- Nūr-Sūltan qalasynan bılım salasynda jūmys ıstep jürgen käsıpkerler toby kelıp, Jaŋaözen qalasyndaǧy 10 mekteptı senımgerlıkke alamyz degen ūsynys jasady. Olar qarajatyn özderı qūiady, ışındegı oqu ädıstemelık qūraldaryn jaŋadan jasaqtap, aǧymdaǧy jöndeu jūmystaryn jürgızedı. Jūmys toby sondai-aq elımızdıŋ üzdık oqytuşylarynyŋ täjıribelerın alyp kelıp, mektep basşylary men mūǧalımderınıŋ bılıktılıgın arttyrmaqşy. 10 jyl boiy akademialyq jäne ädıstemelık süiemeldeu jürgızıp, memlekettık standart boiynşa bılım men tärbie alatyndai jaǧdai jasaimyz dedı. Bızdıŋ maqsatymyz balalarymyzǧa sapaly bılım men tärbe berıp, bolaşaqtaryna senım ūialatyp, mūnai salasynan basqa da jaŋa mamandyqtardy boilaryna sıŋıru. Mūnai ertelı-keş tügesıledı. Bız balalarymyzdyŋ özge salalarda bäsekege qabılettı boluyn qamtamasyz etuımız qajet. Sondai-aq, «Samūryq qyzyna», «Qazmūnaigaz», «Özenmūnaigaz» kompaniialarynyŋ qarajatyna tek mūnaişylarǧa emes, barlyq tūrǧyndarǧa arnalǧan eŋ ozyq ülgıdegı medisinalyq oŋaltu ortalyǧy (50 oryndyq) salynyp jatyr. Onda älemnıŋ soŋǧy ülgıdegı medisinalyq qondyrǧylary ornatylatyn bolady. Ortalyq osy jyldyŋ bırınşı toqsanynda paidalanuǧa berıledı,- dedı oblys äkımı.Jiyn soŋynda aimaq basşysy aitylǧan özektı mäseleler nazarǧa alynyp, öŋırdıŋ damu josparyna säikes tiıstı şeşımder qabyldanatynyn aitty.
«Adyrna» ūlttyq portaly
