Jaqynda Jelıde qart äjesı, zaǧip anasy men ekı kemtar aǧasymen "üi" deuge kelmeitın jerde tūryp jatqan 9 jastaǧy Orazymbettıŋ oqiǧasy eldı eleŋ etkızgen edı. "Bır-aq armanym bar, ony oryndasaŋyzdar, özım de qaitaryp beremın" degen Orazymbettıŋ sol armany bügın oryndalyp otyr. Oǧan Şymkent qalasynan üi berıldı, - dep habarlaidy "Adyrna" ūlttyq portaly Tengrinews.kz saityna sıltep.
Esterıŋızde bolsa, būǧan deiın "Hareket" qaiyrymdylyq qorynyŋ qūryltaişy, akter Madiiar Serıkpaev Orazymbettıŋ otbasy tūryp jatqan üidı körsetken bolatyn. Kadrlardan üi kıreberısınde otalǧan aǧaştar jinalyp tūrǧanyn köruge bolady, al esıkten kıre bergende sylaǧy tüsıp, būzylaiyn dep tūrǧan qabyrǧany baiqaisyŋ. Oǧan qosa būl jerdı jalǧa alyp otyrǧany aitylady.
Üi maŋynda mektep, balabaqşa, auruhana bar, gaz, jaryq, su siiaqty kommunaldyq qyzmetter qosylǧany habarlandy.
Odan bölek Orazymbetke 5 million teŋge sertifikat berıldı, ol 18 jasqa tolǧanşa şeşılmeitın depozit. Mūny keiın oquyna, üilengenge jäne basqa da qajettılıgıne jarata alady.
9 jasar balanyŋ endıgı armany - anasynyŋ jaryq dünienı kaita körgenın qalaidy eken. Qor ökılınıŋ sözınşe, aldaǧy düisenbıde anasyn därıgerge körsetıp, jazyluǧa mümkındık bolsa ota jasatyp beredı.
"Anamnyŋ közı körmeidı, aǧam auru, äjem de qartaiyp kele jatyr", - degen edı Orazymbet.Sol künı aktermen bırge Orazymbettıŋ üiın köruge barǧan qordyŋ Şymkent qalasy jane Türkıstan obylysyndaǧy jauapty ökılı Serık Darbyşevtyŋ sözınşe, anasy 8-9 jasynda şeşek auruymen katty auyryp, közı körmei qalǧan, al ekı aǧasy tuǧannan kemtar.
"Mügedektık boiynşa järdemaqy men äjesınıŋ zeinetaqysyna kün körıp kelgen. Anasy men äjesı barmaǧan, baspaǧan tauy joq, eş jerden järdem ala almaǧanyn aitty. Äkesı joq, jetpeitın qu dünie, jūmyssyzdyq, ışımdıkke salynyp, tastap ketken eken", - deidı ol.Orazymbet qazır 4-synypta oqidy. Serık Darbyşevtıŋ sözınşe, ülgerımı jaqsy, alǧyr, öz jasynan erte jetılgen, oi örısı keŋ bala. Ol kartop quyryp, botqa jasap, kespe basa da alady eken.
"Balanyŋ aqşany sosyn qaitaryp beremın degeny sözı jattandy emes, öz oiyn aityp otyr, būl Mäkeŋ ekeumızdı tebırentıp jıberdı", - dep qosty ol.Olarǧa "Hareket" qory halyqtan jinalǧan aqşaǧa Şymkentten 30 million tūratyn 5 bölmelı jer üi alyp berdı.
Odan bölek Orazymbetke 5 million teŋge sertifikat berıldı, ol 18 jasqa tolǧanşa şeşılmeitın depozit. Mūny keiın oquyna, üilengenge jäne basqa da qajettılıgıne jarata alady.
9 jasar balanyŋ endıgı armany - anasynyŋ jaryq dünienı kaita körgenın qalaidy eken. Qor ökılınıŋ sözınşe, aldaǧy düisenbıde anasyn därıgerge körsetıp, jazyluǧa mümkındık bolsa ota jasatyp beredı.
Suretter: "Hareket" qorynan
