1 aqpanda Chili prezidentı Gabriel Borich Twitter-de eldıŋ jaŋa ükımet qūramyn jariialady, - dep habarlaidy “Adyrna” ūlttyq portaly Tengrinews.kz saityna sılteme jasap.
Chili prezidentınıŋ mälımdemesınen onyŋ bolaşaq ministrlerdıŋ orynbasarlaryn taǧaiyndaǧany, olardyŋ bırı 15 jyldyq täjıribesı bar üi qyzmetkerı ekenı belgılı boldy.
Äielder jäne genderlık ädılet ministrınıŋ orynbasary bolyp Lus Vidal Uirikeo taǧaiyndaldy. Äieldıŋ qysqaşa ömırbaianynda onyŋ Chili astanasyndaǧy ärtürlı otbasylarda 15 jyl üi qyzmetşısı bolǧany turaly aqparat kezdesedı.
Sondai-aq, ol būryn basqarǧan üi jūmysşylary käsıpodaǧynyŋ Lus Vidaldyŋ ministrdıŋ orynbasary bolyp taǧaiyndaluyn qūptaǧany habarlandy. Äieldıŋ özı de prezidentke taǧaiyndaǧany üşın alǧysyn bıldırıp, eldegı barlyq äielderdı abyroimen körsetuge tyrysatynyn aitty.
“Adyrna” ūlttyq portaly
