Bügın Mäjılıs otyrysynda “Aq jol” fraksiiasynyŋ ökılı Maqsat Ramanqūlov de-ofşorizasiia turaly Qarjy monitoring agenttıgıne deputattyq saual joldady. Deputattyŋ aituynşa, Qazaqstan halqynynan ūrlanǧan qyruar qarajatty elge qaitaru kerek, dep habarlaidy “Adyrna” ūlttyq portaly Alaşorda.kz saityna sılteme jasap.
«Bızdıŋ fraksiia sonǧy jyldary, «Panama tızımı», «Raiskoe dose» jäne Şveisariia bankterınıŋ Qazaqstandyqtyrdyŋ şottaryna qatysty deputattyq saualdarymyzda osy mäselelerdı bırneşe ret kötergen bolatynbyz. «Tax Justice network» halyqaralyq ūiymynyŋ mälımetı boiynşa, soŋǧy 25 jylda Qazaqstannan şeteldık offşorlarǧa şamamen 140-160 milliard AQŞ dollary şyǧarylǧan, būl bükıl eldıŋ jyldyq ışkı jalpy önımı men onyŋ syrtqy qaryzyna teŋ. Keibır mälımetterge säikes, soŋǧy bes jylda Qazaqstan Respublikasynyŋ qūqyq qorǧau organdary karajatty şetelge zaŋsyz şyǧaru faktılerı boiynşa ekı jüzden astam ıs qozǧaǧan. Alaida, naqty nätijelerı turaly eşteŋe belgısız. Sonymen qatar, qaŋtar qasıretındıkeibır oligarhtar Qazaqstannan jeke ūşaqtarmen ketıp qana qoimai, qyruar qarjyny şeteldegı esepşottarǧaaudarǧany turaly resmi emes aqparat bar. Osyǧan bailanysty «Aq jol» fraksiiasy Qarjy monitoringı agenttıgınen sūraimyz: 1) Agenttık qūrylǧannan berı Qazaqstan ekonomikasyna offşorlyq aimaqtardan naqty qanşa qarajat qaitarylǧan turaly aqparat beru. 2) Qaŋtardaǧy qaiǧyly oqiǧalar kezınde Qazaqstannan şetelge kandai ırı qarajat şaǧaryldy (million AQŞ dollardan köp summalar), ony kımder şyǧardy, kımderdın şottaryna tüstı. Sol kürdelı künderde kölenkelı kapitaldar şyǧaryldy, degen kümänımız bar. Ol adamdar taǧdyryn elımızben bailanystyrmasa, qalaǧan jerde qala bersyn. Bıraq şyǧarylǧyn qarajat halyqtan ūrlanǧan bolsa, elımızge qaitarylyp, ekonomikaǧa jūmys ıstesın. 3) Sondyqtan būndai faktıler bolǧan jaǧdaida, salyq organdarynan mūndai qarjynyn şyǧuynyŋ zaŋdylyǧyn, jäne olardyŋ tiıstı salyqtardy tölegenın tekseruın sūraimyz», – dedı deputat.Qaŋtar köterılısı kezınde eks-prezident Nūrsūltan Nazarbaevqa qatysty adamdar şet elge jeke ūşaqtarmen qaşty degen aqparattar aitylady. Demek memleket basşysy Qasym-Jomart Toqaev eks-prezidenttıŋ otbasy men jaqyndaryna qatysty qarjyny elge qaitarǧysy kelıp otyr ma?
”Adyrna” ūlttyq portaly
