Almaty oblysynda memlekettık qyzmettıŋ äleuetın arttyru üşın 2018 jyly I.Jansügırov atyndaǧy Jetısu universitetımen ekı jaqty memorandumǧa qol qoiylyp, nätijesınde «Jetısu» - «Memlekettık qyzmet mektebı» jūmysyn bastaǧan edı. Bügın, atalmyş bastama qanatyn keŋge jaiyp, örısı keŋıdı.
Qazaqstan Respublikasy memlekettık qyzmet ısterı agenttıgınıŋ Almaty oblysy boiynşa departamentı jobanyŋ jandanuy üşın, Oblystyq Işkı saiasat jäne bılım basqarmalarymen, sondai-aq, QR Prezidentı janyndaǧy Memlekettık basqaru Akademiiasynyŋ aimaqtaǧy filialymen memorandumǧa qol qoidy.
Jaŋa baǧyt, jaŋa talap, özge qoǧam. Būnyŋ barlyǧy memlekettık ıstegı özgerısterdı talap etedı.
Bäsı äste joǧary, qyzmettegı talaby tym biık salanyŋ suyǧyna toŋyp, otyna küietınder neken-saiaq. Olai deuge negızde joq emes.
Qazaqstan Respublikasy memlekettık qyzmet ısterı agenttıgınıŋ Almaty oblysy boiynşa departamentınıŋ basşysy Läzzat Beiseqūlovanyŋ keltırgen derekterıne süiensek, 2021 jyly Memlekettık qyzmetke tūrǧan 230 adamnyŋ 34-ı bır jylǧa jeter-jetpes uaqytta öz erıkterımen jūmystan ketken. Basty sebep, memlekettık qyzmetkerge qoiylar talap.
«Memlekettık qyzmetke kelıp, basqa salada jūmys jasaudy qūp körıp jatady. Sondai-aq, jalaqynyŋ tömendıgı jäne otbasylyq män-jailar. Būl jas kadrlardyŋ memlekettık qyzmetşılerdıŋ iyǧyna tüsetın talaptarǧa, şekteulerge jäne jauapkerşılıkke daiyn emestıgın körsetedı. Qazırgı zamanǧy memlekettık qyzmetşı stresske ornyqtylyq, bastamaşyldyq, jauapkerşılık, parasattylyq, jedeldılık siiaqty qūzyretterge ie boluy kerek, iaǧni bäsekege qabılettı boluy tiıs»,-deidı Qazaqstan Respublikasy memlekettık qyzmet ısterı agenttıgınıŋ Almaty oblysy boiynşa departamentınıŋ basşysy Läzzat Beiseqūlova.Departament basşysynyŋ atap ötken mäselelerınıŋ şeşımın tabudyŋ bır joly- "Jetısu" - "Memlekettık qyzmet mektebı" bolyp tabylady. Memlekettık qyzmetke özınıŋ bolaşaq ömırı men mansabyn memlekettık qyzmetpen bailanystyratyn adamdar keluı tiıs. Öitkenı, Memlekettık qyzmet-būl jai jūmys, emes-būl käsıp. Sondyqtan, jastar Memlekettık qyzmet mektebın bıtırıp, onda memlekettık qyzmetşılerge qoiylatyn talaptardy igerıp, şekteuler turaly tüsınıktı sanalaryna tüiıp keluı tiıs. Osy tūrǧysynda, «Jetısu» – «Memlekettık qyzmet mektebınıŋ» jūmysy orasan zor röl oinamaq. Jalpy atalǧan jobanyŋ jüzege asqanyna 3 jyldan asty. Osy uaqytta 84 student bılım alyp, onyŋ 50% - dan astamy memlekettık qyzmetke ornalasty. Nätijelı jūmysty odan ärı jalǧastyru oŋtaily şeşım. Sol sebeptı, uaqyttyŋ jaŋa talaptaryna säikes, engızılgen özgerıstermen Departament, Memlekettık qyzmet akademiiasynyŋ filialy, Bılım basqarmasy jäne oblystyŋ Işkı saiasat basqarmasy arasynda tört jaqty memorandumǧa aldaǧy üş jyl bırge jūmys jasamaqqa qol qoidy. Endıgı jūmystyŋ sipaty da özgermek. Eger būryn mektep studentterı üşın sabaqtar I. Jansügırov atyndaǧy universitette ötken bolsa, būdan bylai sabaqtar QR Prezidentı janyndaǧy Memlekettık basqaru akademiiasynyŋ Almaty oblysy filialynyŋ ǧimaratynda ötedı, onda sapaly jäne tiımdı sabaqtardy ötkızu üşın barlyq qajettılıktermen jabdyqtalǧan. "Jetısu" mektebınıŋ oqytuşylar qūramy Akademiia filialynyŋ üzdık oqytuşylary men lektorlarynan qūralǧan. Olar öz kezegınde täjıribelerımen bölısıp, memlekettık qyzmette baǧyn synaǧysy keletının jastarǧa baǧyt-baǧdar beredı. Oqu barysy teoriia men praktikaǧa negızdeledı. Akademiia qabyrǧasynda bılım alǧandar aldaǧy taŋda täjıribe almasu üşın oblystaǧy memlekettık mekemelerden ıs-täjıribeden ötedı. Būl olarǧa tez beiımdeluge jäne halyqqa qyzmet etuge kırısuge mümkındık beredı.
”Adyrna” ūlttyq portaly
