Aqtöbede qūny 800 million teŋgege baǧalanǧan jobanyŋ arty dauǧa ainaldy. Qaladaǧy kärız suy jinalatyn eskı qoimadaǧy kärız şögındılerın paidaǧa asyru üşın jaŋa joba daiyndalǧan. Al nysan byltyr salynuy kerek bolǧan. Bıraq memlekettık tenderdı ūtyp alǧan merdıger kompaniia josparlanǧan jerge tazartu qondyrǧysyn salu mümkın emes ekenın aityp, jobaǧa özgertuler engızuın talap ettı, dep habarlaidy “Adyrna” ūlttyq portaly 31-arnanyŋ "İnformbiuro" baǧdarlamasyna sılteme jasap.
Merdıger kompaniia joba özgermese, arty ekologiialyq apatqa äkeluı mümkın dep otyr. Bıraq joba barlyq memlekettık saraptamadan öttı degen monopolist kompaniia mındettı berılgen uaqytta aiaqtamady dep merdıgerdı sotqa bergen.
Qaladan şyǧatyn kärız suy jalǧyz qoimada jinalady. Būl jerden sudyŋ jalpy kölemınıŋ 90% qaita tazaryp şyǧaryluy kerek. Alaida jūmys ıstep tūrǧanyna 72 jyl bolǧan jüienıŋ tozyǧy jetkendıkten, sudyŋ tek 50%-yn ǧana tazartuǧa qysymy jetedı eken. Sondyqtan qaladaǧy barlyq köp qabatty tūrǧyn üi men mekemelerdı ystyq jäne suyq sumen qamtamasyz etıp otyrǧan jalǧyz monopolist kompaniia kärız sulary şögındılerın paidaǧa asyru jobasyn daiyndap, tender jariialaǧan.
Alaida tenderdı ūtqan merdıger jobanyŋ smetalyq qūjattary da, tazartu qondyrǧysy salynatyn jer de dūrys emes dep otyr.
"Jobada olqylyqtar bolǧan soŋ bız ony qaita qaraudy sūradyq. Onyŋ üstıne keşen salynatyn jerdıŋ topyraǧyna geologiialyq saraptama jasalmaǧan. Tapsyrys beruşımen tehnikalyq jinalystar da ötkızdık. Olar basynda bız aitqan özgertulerge rūqsat bergenımen, keiın memlekettık saraptama qūptamady dep jauap berdı. Sosyn bızge qūrylysty eskı jobamen jalǧastyruymyz keregın aitty. Ol joba dūrys bolmaǧandyqtan, bız özımızge ülken jauapkerşılık alǧymyz kelgen joq. Öitkenı mūnyŋ arty ekologiialyq apatqa äkeluı mümkın", - deidı "Aqtöbe Nefte Gaz Stroi" JŞS direktorynyŋ orynbasary Nūrbolat Ämırov.
Tapsyrys bergen kompaniia merdıger kompaniia qūrylysty bes aidyŋ ışınde aiaqtauǧa mındetteldı deidı. Bıraq keiın taǧy qosymşa kelısım şart jasalsa da, öz mındetterın atqarmady dep sotqa bergen. Sözderınşe, barlyq memlekettık saraptamalardan ötken jobada eş oqylyq joq.
"Bırneşe ret bızdıŋ tarapymyzdan, tehqadaǧalau, avtorlyq qadaǧalau tarapynan berılgen nūsqaulardy oryndamady. Sondyqtan bız memlekettık satyp alu zaŋyna säikes sot oryndaryna şaǧymdanuǧa mäjbür boldyq. Sot nätijesınde osy merdıger kompaniia "memlekettık satyp alulardyŋ yqylassyz qatysuşysy" bolyp tanylyp, sot şeşımı şyqty", - dep mälımdedı "Aqtobe su-energy group" AQ zaŋ bölımı basşysynyŋ orynbasary Talǧat Süiınşalin.
Sot şeşımımen müldem kelıspeimız degen merdıgerler jobanyŋ qaita qaraluyn talap etıp otyr. Ärı sotqa apelliasiialyq şaǧym tüsırmek. Degenmen monopolist kompaniia jobanyŋ qaita qaralmaitynyn, bıraq memlekettık konkurstyŋ qaita ötetının jetkızdı.
“Adyrna” ūlttyq portaly
